深圳游乐团 在宝安区感受文青的气息

深圳游乐团在宝安区感受文青的气息

| by Yung | 6 years ago

小编上星期就介绍完深圳福田区一日游，今次再带大家行远少少，一於去宝安区睇下有咩玩喇，感受一下惬意浪漫午後！

#人类热忱事务研究所

第一站一於去壹方城购物中心人类热忱事务研究所喇！呢个系深圳首个手作文创主题街区，以手作、美学同下午茶三位一体全新街区，有超过20间商店添。为都市生活创造非凡体验，首日客流量仲突破2万！

系入面仲可以体验唔同类型手作项目，就似造木、皮艺、花艺、陶艺等等，甚至连甜品都可以整！无论你系零基础定系资深爱好者，都有充分机会全方位参与手作架系「热忱」生活，就系拒绝平庸，赋予生命与价值俾挚爱东西！

人类热忱事务研究所

地址∶ 壹方城购物中心4楼(CGV电影院附近)

营业时间∶周一至周四,周日 10:00-22:00 周五,周六 10:00-22:30

#最美书城——书店

行完人类热忱事务研究所唔知去边好？当然唔好离开壹方城住，因为呢度仲有一间从全国百几间参选书店中脱颖而出，成为深圳唯一家获得年度最美书店得主——「书店」。

呢间书店面积高达二万几尺，藏书量有20万本！我谂呢间书店最靓地方，应该就系有300个免费座位，座位随处而设，无论你系书店边个区域、边个角落，身边总系有非常舒适贴心座位可以静下来好好读一本书

书店

地址∶深圳市宝安区新安街道新湖路99号壹方城3楼

营业时间∶周日——周四∶10:00--22:00 周五——周六∶10:00--22:30

#家品店NITORI

可能你会以为　只系普通家品店？　你就大错特错了因为　堪称系挑战IKEA 同MUJU 地位一间家品店！NITORI所有家具都系由自己设计，而且系行日式风格，每样产品都好有设计感加上店铺面积超大，比香港IKEA 行得舒服好多。

NITORI

地址∶宝安中心区新湖路99号壹方城L2-001/002

#女神专属车位

扮完文青仲有咩做？出去玩点可以唔影返几张女神相呃下LIKE！壹方城特登系二楼停车场设置深圳首个女神专属停车层，全层以粉色系为主，全部都系女神车位

#美艺甜

玩左成日一定肚仔饿啦！实行要女神、文青到底我地，当然要去网店CAFE 美艺甜朝圣一下！呢间Cafe充满住法式浪漫情怀，成间铺头都系满满既粉金配搭，好似走入仙女梦入面粉色宫殿，被幸福同甜蜜味道包围住，再配埋个甜品简直将一日既疲劳都消除！大家要留意返呢个粉色主题系壹方城新店专属架，而且每日晏就2-3点系用餐高峰时间，唔想排队记得避开呢个时段喇！