想感受北欧圣诞气息？紧周末快去赤柱广场啦！每年赤柱广场都会举行圣诞市集，邀请一大班本地及外地参展商参与，仲有好多表演同影相位添！

今年圣诞市集以芬兰为主题，12月9至10日同16至17日，一连两个星期六日，赤柱广场天幕广场举行！小编寻日就去啦，一齐睇有乜好推介啊！

脆皮猪肘配酸椰菜 $60

年年圣诞市集呢个摊位都排晒长龙，就　睇条龙都知好味啦！猪肘真系好爽脆，咸猪手肉配上脆卜卜皮再加上软绵绵酸椰菜同芥茉真系好夹啊！

三色鹿肉香肠 $60

鹿肉香肠你试过未？小编自己就钟意食红色同白色脆皮肠，而同行朋友就话黑色血肠好好味！大家不妨黎试啦！

芬兰圣诞挞 $30

呢个芬兰圣诞挞好好味啊！　挞皮就算冻都好香甜，配上香软水果馅，正！

芬兰肉丸 $40

呢个肉丸唔会好油，好重香草味，加埋热辣辣酱汁，好有北欧风味！

除食，仲有好多摊档卖各式手工制品同圣诞礼物添！系场内消费满600蚊，可以换苹Kuksa手工杯返屋企！

今次市集都有几个特色影相位，俾大家体验芬兰冬日美。
「芬兰Jacuzzi拍照区」最有特色，大会有提供厚身外套，仲不时喷出蒸气俾大家体验一芬兰浴。

「雪地奇缘音乐舞台」造型好似一个巨型音乐盒，周围都系闪令令冬日装饰，记得影多相啊！

「异国极光玻璃屋」，除影相仲可以戴上VR眼镜睇北极光！仲有鹿车俾你座上去影相添！

另外，如果你下载领展App「泊食易」，仲有闪灯汽球送添！入夜之後影相好靓架！

有兴趣朋友可以搭大会安排免费接驳巴士入赤柱，由海洋公园或筲箕湾出发，又或者可以搭香港仔开出免费穿梭船去赤柱码头。

日期∶12月9日、10日、16日及17日

地点∶赤柱广场天幕广场