上次小编同大家介绍一间抹茶网红店，今次就同大家继续去深圳发掘靓靓餐厅。
Tony Flower由内地时尚教父Tony打造，据说有提供深圳最靓下午茶；装修方面以黄色为主，未入铺头已经见到由黄色花朵砌成兔仔同复古车，行入铺头之後第一个感觉就系好黄啊！之後会发现店主应该对英国田园风好向往，因为大部分物品摆设都好有田园Style，仲有好多动物摆设。
随後踏上楼梯，店内风格划分为几区，有书房Feel、贵妇梳化、西餐厅等等。其实每一区都好有特色，但小编就 睇就有D乱，不过如果系黎打卡影相呢度就真系够晒多景啦！
由於我地去到时候天色已晚，所以我地就叫晚餐黎食。老实讲，黎之前其实我都查过呢度食评，大家对下午茶评价都系话好靓但唔太好食，所以我地就无叫到啦！但其实以晚餐黎讲， 食物其实唔算差，不过装修太用力，令人对食物期望过高啦！一齐睇我地食左咩？
蓝带芝士卷 ¥48
蓝带芝士卷系以猪扒夹住芝士卷成肉卷後再裹蛋液、面包糠油炸。上碟时已经切好成入口大细。肉卷外皮炸得都几酥脆，但猪肉唔算好嫩，溶化芝士有拉丝效果，配埋青色薯蓉又唔会好腻，几好食。
海鲜意大利面 ¥78
一上菜就俾2苹虾吸引，其实个意粉系几好食，但有少少腥味，经过我地细味之後发现腥味黎自 花甲。不过 主食份量系几细架，如果好似小编 带个饿扁男人去就要嗌多几碟啦！一碟系无可能饱的。
蕃茄牛肉千层面 ¥48
小编最钟意千层面！酸度甜度咸度都岩岩好，不过面身软少少，呢度食物全部都为打卡而生，摆得好靓呢！
暖意可可 ¥48
本身呢杯唔系嗌俾自己，但我饮一啖呢杯就属於我啦！ 真心好好饮啊！ 朱古力唔会太甜、太涩，浓淡度适中，仲有好香椰子味！好惊喜！留意返 只有热饮提供，冬天饮一杯暖暖朱古力，好幸福啊！
浪漫层叠 ¥48
又一杯打卡满分作品；其实就系玫瑰奶盖，好重玫瑰花酱味，饮之前请充分搅匀，如果唔系饮到後面就会无晒味架啦，仲要饮唔到个奶盖添！
其实小编自己就觉得，食到後来苹眼好，因为成间餐厅都采用明度好高鲜黄色，连厕所都系鲜黄色架！虽然好特别，但我谂真系久久食一次好啦！可能下次会叫简餐，因为 地出餐都几慢架，食简便餐点可能会比较适合。今日分享系 多，下次再同大家走访唔同网红店啦！
