今次深圳游乐团想同大家去食椰子鸡，虽然香港都有得食，但小编个人认为内地呢一类火锅会做得更好食，性价比都比香港高，所以不时都会上去打下边炉，今次我地就去到乔木四季KK ONE分店探店。

店内装修风格行东南亚风，成个热带丛林　，一张张环形藤椅、一个个泰式抱枕、一座座精致的木雕、仲有棕榈叶屋檐，一进店就觉得有掠过芭蕉叶风迎面抚来，好似置身於东南亚小岛上面　啊！

海南椰子鸡煲已经出名好几百年，清甜椰青汤底惹来一班忠实粉丝，其实　制作工艺都好大同小异，椰子水锅底、2.5斤文昌鸡、竹笙、小马蹄、椰肉，都系椰子鸡标配，而乔木四季椰子鸡仲有好多唔同口味比大家选择，不过小编都系锺情传统，叫半苹竹笙椰子鸡。

食椰子鸡就最紧要饮汤，系打边炉之前食晒鸡肉同饮够汤先，无味精又清甜鸡汤，唔止好饮仲好健康！有时带埋长辈小朋友黎食都系一个好选择。

呢度都有多菜品比大家选择，小编就极推荐冰豆腐，识食一定系拣会索汤配菜。

牛肉小编叫最普通等级，个人觉得都好够做，因为本身个汤底好甜，就算普通牛肉都好好食。

不过　酱料就比较大路，青柠、辣椒同蒜粒，加埋豉油，蒜粒应该一早切定，有乾身。

其实食椰子鸡，好多人都会叫煲仔饭，乔木四季仲将煲仔饭分了3个等级∶一级、超级、霸王级。不过小编得2人行就　叫到，下次有机会小编都试下　个霸王级煲仔饭有几犀利先。

乔木四季椰子鸡 KK ONE分店

地址∶ 滨河大道9289号京基滨河时代北区3层306

电话∶ 0755-82517517