话说上次恩恩我好想睇桃花，於是得知呢个公园有桃花林之後就拉摄哥哥上黎睇花。但其实呢个系一个悲惨故事因为我地盲中中　睇到个公园就是但系书城对面入口行入去，结果行成2个钟先睇到桃花！真系辛苦晒负脚伤摄哥哥

点解我地会行　耐，因为莲花山公园真系超级大！莲花山公园系深圳市政府系莲花山及其周边绿地上建立一座城市公园，占地185多公顷。185公顷！？系咩数字，比大家参巧返香港迪士尼乐园系72公顷，即系人地个公园大约等於2.5694444个迪士尼　大个公园有咩玩？等我逐样同你讲下啦！

莲花山公园系深圳八景之一，位於福田区，主峰海拔106米。公园主峰有个山顶广场，呢度有好大座邓小平铜像，见到　就知到主峰啦！

其山脚下有风筝广场，呢度系任何时候都好多人系度放风筝，明明唔觉好大风都飞得起，系公园入口附近都唔少小贩叫卖风筝、飞机等玩具，唔洗自己带黎都有得玩，玩完直接送比入面小朋友，唔洗拎返屋企。

公园入面仲有个关山月美术馆，主要收藏与陈列关山月先生及其同时代的美术作品，兼顾各种国内外现当代艺术。呢度成8000 平方米，夏天晒完入黎一边睇展品一边避璁就岩岩好，仲可以陶冶性，望住艺术品放空一下。

另外，呢度亦都有莲花池同人共湖，前者可以系度垂钓、亦有人系度喂鱼； 後者可以踩下水上单车，虽然人工湖唔算大，但考虑到踩完上岸仲有排行其实湖细都有湖细好处。

如果你想远足，其实可以沿公园山径行一个圈，呢度有好多唔同植物，尤其是新年後各种唔同花相继盛放，呢度行几步就系唔同花海，四季都睇到唔同景象，不一样的色彩，好靓架！

莲花山日头睇上去系彩色大花园，夜景都好靓架！有兴趋可以过黎玩返大半日，放松一下。