4月真系一个好月份，因为恩恩我生日啦！除此之外仲有唔少红日，趁放假不如跟我地出去行下啦以下路线系春天会睇到好多春天美，放假抽一日假期去亲亲大自然，充爆电啊！Click图就会见到更多资讯啦！

呢条路线可以一次过体验同见到特别地质风貌、古村、乡郊气息同客家围村文化，成大片红色石地真系好壮观！不愧系世界地质公园啊！红日仲有街渡来往马料水同荔枝窝，行入去又得、搭船出返黎都得！入去记住食埋客家菜先好走啊！

马鞍山入面有条好简单路线，就系水浪窝！大家可以早少少去水浪窝，呢度有座仿古观星台，好似古堡　，好有古代气息，大家可以系度野餐，之後再出泥涌影相，泥涌都系著名天空之镜，呢度天地一色，真系好浪漫啊！有兴趣仲可以黎放风筝添！之後可以去埋BBQ先返屋企，一日入面睇晒山海两色，野餐又得ＢＢＱ亦得，行程好丰富！

嘉道理农场每一季都有唔同花可以欣赏，三四月会有草豆蔻 、白花羊蹄甲 、宫粉羊蹄甲、大鸳鸯茉莉 、山茶、绣球仲有好多好多当季花朵盛开。仲可以上观音山顶峰睇下自然美景；系四柱擎天下眺望林村；又或者去热气洞感受「龙的气息」。如果你唔想行到身水身汗仲可以搭车游览大部分景点，边个话懒人就唔可以亲亲大自然架？

放假不如去离岛玩啦！就算系假日，长洲其实都有人少地方，经小长城行去南湾睇下天后庙之後去挑战张保仔洞，睇下奇石、吹下海风、挑战下张保仔遗址，长洲仲出名多野食添！

另一个推荐离岛系桥咀，呢排天气开始热，中午时分应该够热落得水、呢度都有烧烤场、又或者去行下连岛沙洲，睇下各式各样大自己比我地礼物，会发现其实香港风景一都唔会差过其他地方！劲有渡假Feel！

放假想踩单车睇风景？又唔想黎黎去去都大围沙田大埔马鞍山，可以试下去天水围踩单车入尖鼻咀，路线虽短但胜在够多野睇！沙桥村蚝壳滩、湿地公园红树林同侯鸟、成片渔排，好特别架！

如果你有更好路线推荐，记住同小编讲，等小编都去感受人你眼中美啦！祝大家系复活节吸多新鲜空气，复活下自己啦！