小编成日都同大家介绍深圳适合打卡Cafe、餐厅，比大家同好姐妹去影个够，但有时同男生们一齐返去玩，系甘去粉红梦幻打卡点就会唔太合适啦，所以今次小编就同大家介绍呢间好食又贴地火锅，同男仔返去玩可以开开心心食饭啦！

食途系一间专食牛腩牛杂边炉餐厅，装修有少少复古味道，墙身上有黄红绿霓虹灯，都几搞笑，店主系设计上好有创意呢。

大家可以依自己喜好拣牛杂煲、牛腩煲或者双并；汤底可以拣原味、孜然、香辣或者蕃茄，分小、中、大三个分量；又或者点套餐，食唔同人数套餐名都好搞笑。2个人系我和你；3个人系伴我左右；5个人系好久不见，　就唔洗自己烦恼要咩配菜啦！

今次我地就叫我和你2人套餐，其实份量都几多，我地拣番茄汤底双拼锅，红卜卜汤底劲吸引啊! 番茄汤底好香甜，感觉上无落味精。不过最好就煮耐少少先食，一黎汤底会更浓，二黎上台时候牛腩牛杂系未入味，要煮耐D先更好食。

牛腩牛杂唔算非常多，但好好食，煮得非常软稔又唔会散，同蕃茄汤底搭配会有西汤味道。二人餐入面配菜有牛肚、娃娃菜、秀珍、炸腐竹同白饭，2个人食其实真系饱有突。

酱料系要自己出去拎，正正常常，唔算太多搭配。

套餐系唔包饮品，大家唔想想饮水要自己另外点，小编点招牌水果茶，但其实真系唔太出色，而且旁边其实有喜茶，宁愿之後饮喜茶会更开心。

食途·明火砂锅牛腩煲（中心城店）

地址∶福华一路怡景中心城负2层FG009号商铺（喜茶隔壁）

电话∶0755-23944336