又到郊游季节，除野餐、行山、踩单车，小编都好推荐大家出去放风筝啊！望住个风筝系天上飞好治愈啊！小编就去几个放风筝热点，帮大家比较边度最你！

塔门

塔门系一个迷人小岛，可以度享受渔村风情，亦都可以在辽阔草原上野餐、放风筝，享受海天一色的明媚风光。

就脚∶★★☆☆☆

要搭车又搭船，闲日入去话船期都唔系　密，要预早Check定时间。

风力∶★★★★☆

放风筝无难度，对住个无敌大海景，当然有无敌大海风！

风景∶★★★★★

呢度风景真系一流，要山有山要海有海要石有奇石，蓝天白云，放完风筝食返个海胆炒饭，正！

附近有无风筝卖？∶无，上年卖风筝间士多今年唔做啦！

评语∶早起的鸟儿有虫吃，唔怕早起，唔晕船浪呢度系好选择！

地点∶

大坳门

大坳门系香港最热门的郊野公园之一。设施补给完善，日头郊游下午放风筝夜晚睇星星无难度！

就脚∶★★★★☆

搭91号巴士行大约20分钟可以到达，公园外都有泊车位，车人士最啦！

风力∶★★★★★

风筝新手都岩玩，一放就飞！仲可以放到超高都仲Feel到张力！

风景∶★★★★★

背山面海　放风筝，场地又够阔够大，成个天都系风筝好壮观啊！

附近有无风筝卖？∶有，清水湾公园入口有士多卖风筝，约$100一苹连线，士多叔叔会帮你Set埋架！

评语∶一句讲晒，大坳门放风筝快靓正！

地图∶

大尾笃水坝

就脚∶★★★☆☆

大埔墟有巴士或者小巴入大尾督，班次都算密。

风力∶★★★☆☆

风力都可以，但见到树上面挂住一苹苹风筝残骸，风向差少少啦！

风景∶★★★☆☆

石屎地，其实旁边系几靓，水坝景，但放风筝戈度睇唔到。

附近有无风筝卖？∶有，BBQ场小食亭有售。

评语∶水坝起点比较多人放风筝，想少人要行过过水坝放，但地方就比较细。另外提提大家要注意水份补给啊！去到水坝另一边无水卖架！

地图∶

大埔海滨公园

大埔海滨公园占地约22公顷，系康乐及文化事务署辖下最大公园。公园斥资二亿一千万元兴建，提供多项体育设施，并设有昆虫屋同多个主题花园，动静皆宜。园内亦设香港回归纪念塔，游人登塔，吐露港迷人景致尽收眼底。

就脚∶★★★★★

搭去富善行入去又得，踩单车入去又得！出返市区好方便！

风力∶★★★☆☆

风力一阵一阵，去到下午风比较细。

风景∶★★☆☆☆

公园大草地，人造园景，行上回归塔系几靓。

附近有无风筝卖？∶有

评语∶最就脚，仲可以去影相，风力都够，不过人就多，放风筝要注意安全啊！

地图∶

泥涌

泥涌邻近马鞍山新市镇，系西贡西北。呢度系湿地地区，长满红树林同一贝类生物，同时亦有郊野公园，早系1970年代已经有烧烤场，为烧烤胜地，亦适合放风筝。泥涌石滩的断桥、小码头、黑岩石及红木栏杆，亦系不错拍摄热点。

就脚∶★★★☆☆

要系刮溪沙或马鞍山转小巴　巴士先入到黎，但地点同车站好近，尚算方便。

风力∶★★★★★

唔知系咪我好彩，一拎苹风筝出黎　就自己飞上天，放风筝无难度！

风景∶★★★★★

呢度人少，又有天空之镜，仲唔污糟，香港难得好地方！

附近有无风筝卖？∶无

评语∶就算唔放风筝，都好值得黎坐下、吹吹海风，好同男女朋友黎拍拖，好浪漫架！

地图∶

其实仲有几多地方可以放风筝，例如龙虾湾风筝场，不过小编同行山友倾计时候得知龙虾湾系要背住个海放风筝，而且风力时大时细，要放风筝有难道，所以就唔同大家推荐啦！