夏天到啦,日漸悶熱嘅天氣係咪令你無哂胃口,成日唔知食咩好呢?台灣觀光協會、鑽石山荷里活廣場、台灣休閒農業發展協會同台灣民宿聯合總會見大家無咩食欲,就決定要用寶島嘅開胃食材------「鮮花」、「水果」同「魚鮮」令你地回復狀態開懷大食!
【台灣好住好玩!農莊民宿節@荷里活廣場】將會係6月2至3日一連兩天舉行,等係香港嘅你地都可以食到台灣嘅農場美食。 14間環台知名農莊同美食單位會帶嚟唔同嘅獨特菜式、烘焙教室,同埋大量好玩遊戲,等大家可以盡興而歸!
首要嘅事就梗係解暑先啦,食咩最消暑?到時會有唔同嘅鮮花,例如玫瑰花、桂花、蝶豆花同開胃嘅洛神花,再配上酸甜解膩嘅檸檬、多汁嘅藍莓做唔同嘅配搭,就可以做成各種飲品同甜品鬆餅。當然仲有各式各樣嘅海鮮作為主菜啦!單位會用爽口彈牙嘅鮮蝦同埋橘紅爽甜的櫻花蝦,仲有魷魚為大家送上佳餚。由下午一點開始,只需即場捐款港幣20元,就換到農莊美食一份咖啦!
食飽就當然要學返兩手返屋企,學完之後就可以用嘅消暑食材自製台式農場點心,繼續保持好胃口。咁就唔怕食唔落野啦!呢個活動都係下午一點開始,即場捐款港幣20元俾港澳台灣慈善基金會有限公司就可以報名參加指定時段嘅「農莊烘焙教室」一節,每節長1小時,名額有限,先到先得。
學埋烘焙就可以去放鬆一下睇表演。當中包括有魔幻達人表演,QQ姊姊親子故事樂園,歡樂氣球人-- 舞台上扭氣球,Have Fun樂團表演,同埋民宿達人同農莊主人分享。呢啲都係好啱親子參與嘅活動,帶埋小朋友一齊去玩就啱哂啦。大家記住去參加活動,過返個有食欲嘅夏天呀!
【台灣好住好玩﹗農莊民宿節@荷里活廣場】活動詳情
開放日期:6月2至3日(星期六至日)
活動地點:鑽石山荷里活廣場一樓明星廣場
查詢:有關活動日期、時間、內容及美食區的參加辦法等詳情,可向荷里活廣場查詢
(電話:2118 8811)