潮流時不時都會帶我地坐穿梭機回到過去,令昔日嘅事物再次興起。今個初夏,美國時尚品牌GUESS就將九十年代元素融入到最新春夏系列入面,推出風格中性嘅GUESS ORIGINALS服飾﹑手袋及腕錶系列,等我地可以配搭富時代感嘅造型投奔初夏,回歸經典。
GUESS 2018春夏Originals系列以品牌傳統作為設計靈感來源,系列主打袋款同手錶。袋款設計采用九十年代復古風格,各款袋類產品運用經典紅黑白LOGO主色調同加上咗醒目LOGO標誌,配搭起嚟時尚有型。系列中包括有背囊、保齡球袋同腰包,紅白同黑白兩種復古配色不僅百搭,仲可以令幫大家表現到街頭穿搭嘅獨特自我風格。
GUESS ORIGINALS腕錶系列將GUESS嘅標誌性倒三角形 Logo 融入手錶錶盤設計,錶帶亦加入紅黑白主色調﹑牛仔布等元素,創造出經典型格造型。系列有多個款式,包括Logo配襯百搭黑白色、牛仔布款錶帶,同埋火熱鮮紅色錶帶等,另仲有鏤空錶盤金、銀色款式,方便隨大家自由轉換。GUESS ORIGINALS嘅設計男女都啱用,情侶仲可以同愛人一齊換成復古風格,綻放懷舊魅力!
GUESS另推出一系列異彩LOGO腕錶系列,包括傳統嘅黑、白、紅色,同埋柔和明亮嘅粉色調,為你呈上一個繽紛嘅夏季。系列由防水矽膠錶帶結合立體三角形Logo錶盤而成,錶款仲有八種顏色,等你可以按場合自如配搭。簡約設計令男女都可以輕鬆駕御,唔洗特登諗造型都可以時尚出街啦。
GUESS仲推出咗春夏GUESS ORIGINALS系列服飾,當中有多種配色俾你選擇。此系列主打oversize 中性復古條紋T-Shirt,綠色、藍色、紅色相間嘅條紋T-Shirt同印有經典品牌倒三角LOGO嘅淨色LOGO TEE,為大家塑造一個率性休閒嘅形象。
仲煩緊夏天應該點樣幫自己配搭造型?不妨考慮下GUESS ORIGINALS系列為你帶嚟嘅夏日復古風格,等你出街可以散發不可超越嘅經典魅力!