唔知大家有無睇過由日本製作嘅人氣純愛電影《太陽之歌》呢？由新晉女星貝娜霍恩 (Bella Thorne) 聯同爆肌「小鮮肉」柏德烈舒華辛力加 (Patrick Schwarzenegger) 主演嘅《日出前讓戀愛開始》 (Midnight Sun)將會係6月21號上映，佢正正係改篇自《太陽之歌》，令當年嘅故事帶嚟嘅感動得以係今個夏日廷續。等我地重温一下故事內容先啦！

患有罕見皮膚癌XP嘅少女凱蒂 (貝娜霍恩 飾)不能被陽光照射，自小過著日夜顛倒嘅孤單生活。獨特嘅生活習慣令她唔可以好似正常人咁樣返學同識朋友──日頭只可以躲係家中創作音樂，晚上就攞住結他去車站廣場演唱。凱蒂嘅甜美歌聲同獨特曲風意外地治癒咗高中生查理 (柏德烈舒華辛力加 飾)嘅心靈，而充滿陽光氣息嘅查理就係凱蒂生命中最甜蜜嘅期待。呢一份開始萌芽嘅戀情，偏偏只可以係冷月下為佢地帶來嚟令人心痛嘅限時溫暖… 

《日出前讓戀愛開始》不但保留原著嘅音樂元素，仲係故事基礎上豐富咗愛情、友情及親情等各種情感描寫，令劇情清新之餘，仲更加打動人心。而且係由擅長拍青春歌舞片、《舞出真我4》(Step Up: Revolution) 導演史葛史派亞(Scott Speer) 執導，令呢部電影好大機會成為新世代浪漫經典。相信大家都對《日出前讓戀愛開始》抱有好大嘅期待，記住要入場同主角一齊體驗下呢一份苦澀嘅初戀呀！