女仔耐唔耐就要去買新嘅內衣做替換，但你諗好要買邊款未呢？你又知唔知今年嘅內衣會興嘅咩款式呢？今次就推介幾款由帶領內衣潮流嘅品牌Intimissimi 推出嘅2018 春夏系列啦。呢個系列用揭示女性多樣性作為靈感，將舞蹈嘅輕柔、畫作嘅優美同埋音樂嘅張力交織成女性嘅性感嫵媚；當中將一個個意大利各地嘅難忘醉人景緻融合到你嘅內衣當中。

Intimissimi 首先為你呈上Mediterranean Summer 系列。當中融合咗葡萄牙充滿魅力嘅瓷磚藝術同摩洛哥迷人嘅手工刺繡藝術，令品牌對蕾絲同印花有全新嘅演繹同唔同嘅設計。系列仲以紅藍兩色去襯托純白，而當中嘅黑色細節就形成咗更鮮明嘅對比，中間仲有一個蝴蝶結帶作為裝飾。

另一款就係以白色作主打嘅內衣，佢係以密密麻麻嘅浪漫花蕾印花圖案配以交錯透視物料構成，內衣嘅邊位分別配以大花印花圖案同刺繡及蕾絲花邊，為內衣上一種內斂嘅美感。呢種計設同樣令你係悶熱嘅夏天都可以俾身體透氣，即使着住內衣都唔會覺得焗束。

喜歡有蕾絲為內衣作點綴嘅話呢款淺啡內衣就非常啱你啦，呢件內衣嘅設計係喺透視物料上面加上橫列嘅花蕾印花圖案，再係內衣嘅邊位加上蕾絲，令視覺上更加豐富同華麗，啱哂鐘意蕾絲花邊嘅你呀！

Intimissimi嘅內衣不但可以自由調教吊帶嘅長度，仲設有四個扣位，等大家可以按自己嘅身型同需要自行選擇扣嘅位置，咁就唔洗擔心身型有小改變嘅時候會唔啱着啦。想有一個透氣清涼嘅夏天？咁快啲去Intimissimi買返件內衣啦。