夏天咁熱，相信唔少會選擇同朋友去沙灘消暑，咁你又準備好泳裝未呢？今日就等我同大家推介幾款充滿活力嘅泳裝，等你地亮麗自信咁係沙灘登場啦！今個夏天，Calzedonia 係意大利維羅納嘅時裝表演中推出咗備受矚目嘅泳裝系列，當中不乏趣味同性感嘅元素。

Calzedonia緊貼今季最流行嘅時尚趨勢，打造咗呢個充滿咗加勒比夏日風情嘅系列。今個系列運用咗七彩繽紛嘅花卉圖案加上充滿異國情調嘅動物印花，仲首次係泳裝系列上面使用天鵝絨，作為多款比基尼上衣，下衣同連身泳衣，望落都覺得好有特色呀。

係顏色方面就主要以紅、白、藍同精緻嘅花卉圖案，為系列添加女性元素同氣息。成個系列不但係造型時尚，仲充滿玩味感覺，非常適合俾大家自由做不同搭配去沙灘玩樂。

呢款圖案嘅泳衣令人眼前一亮，兩種深淺嘅綠色植物帶俾人一種清新感覺同夏日風情，非常切合呢個落水季節。

呢件泳衣以藍色作底色，再係上面加上唔同嘅紋路。驟眼望落去令人聯想起水中嘅浪花同波紋，可見呢個設計亦都非常特別同引人注目。

唔好再諗啦，快啲去買返件靚泳衣嬉水啦。如果仲想感受下時裝表演入面Calzedonia充滿動感嘅演繹所帶嚟嘅夏日氣氛，就即刻係社交媒體上面追踪 #CalzedoniaSummerShow啦！