如果有一個清單係關於女人最愛嘅話,甜品同蛋糕一定榜上有名。今次又有啲咩好食嘅甜品介紹俾大家呢?arome東海堂推出咗全新嘅「米乳の時間」蛋糕及甜品系列。今次係東海堂首次採用日本製嘅純米乳,令甜品有濃厚米香之餘充滿營養價值。
arome東海堂今次將日本大熱嘅米乳帶到蛋糕甜品之中,咁大家又知唔知米乳係咩嚟咖呢?佢其實係由米製成,並伴有獨特米香嘅植物性「奶」製品。佢同牛奶一樣色澤乳白,但卡路里就比牛奶更低。米乳高纖之餘成分簡單天然。今次東海堂仲嚴選咗山田錦米去製作米乳。呢種米粒粒渾圓透白,外硬內軟,仲係日本著名嘅稻米品種嚟咖。快啲睇下呢個系列有啲咩甜品啦!
米乳‧脆脆 (日本米乳脆米蛋糕)
Japanese Rice Milk & Rice Puff Cake
零售價$238
匯豐/ 恒生信用卡9折優惠 $214.2
恒生enJoy卡88折優惠 $209.4
蛋糕嚴選日本山田錦米乳製作,再用脆口嘅日本脆米鋪面。內層就用香濃幼滑嘅米乳奶凍配搭綿密嘅海綿蛋糕。蛋糕底層配以香脆可口嘅白朱古力脆米層同消化餅,令多種米香滋味係你嘅口中綻放,仲會縈繞着一陣濃濃米香,食落一定好滿足啫。
米乳可可 (日本米乳可可脆米蛋糕)
Japanese Chocolate Rice Milk & Rice Puff Cake
零售價$238
匯豐/ 恒生信用卡9折優惠 $214.2
恒生enJoy卡88折優惠 $209.4
米乳可可蛋糕頂層鋪滿香脆嘅可可脆米,內層嘅可可米乳忌廉同粒粒可可米乳奶凍層層相間,濃厚嘅米乳就係中間交織住甜美嘅可可。再配搭口感豐富嘅白朱古力脆米層,將經典可可滋味提升至另一層次。身為可可迷嘅你絕對唔可以錯過呢道甜品呀。
米乳可可杯
Chocolate Rice Milk Cup
零售價 $22
買3件或以上85折
係可可米乳慕絲夾層上加上片片甜蜜嘅白朱古力片做點綴,夾層有軟綿濃郁嘅可可蛋糕,配以柔滑嘅米乳可可奶凍。完美絕倫嘅配搭令呢款甜品必然係午後茶點嘅首選。
焙茶米乳可可卷
Hojicha & Chocolate Rice Milk Roll
零售價 $21
買3件或以上85折
香滑米乳忌廉當中蘊藏着濃厚嘅可可米乳奶凍,再被綿密細緻嘅焙茶海綿蛋糕所包圍。食落去每一啖都捲出甜蜜滋味。
某啲甜品嘅表面有加上脆米。為咗保持脆米香脆,東海堂仲特別設計咗膠片放置係脆米層及蛋糕之間,等食家可以先連脆米提起膠片才切蛋糕,之後將脆米放回蛋糕面享用。呢個貼心嘅設計令大家可以食到蛋糕最佳嘅滋味。
咁多種米乳甜品係咪好吸引呢?咁就要記住去arome東海堂買返幾款嚟品嘗一下啦,全線東海堂都可以買到「米乳の時間」蛋糕及甜品系列咖。
arome東海堂查詢電話:2739 1328
訂購網頁:http://www.aromebakery.com.hk