父親節就到啦，相信唔少人而家都忙住為父親買禮物。有無諗過禮物並唔一定要送實體野，一次正面嘅體驗都可以係一份討人歡心嘅禮物呢？今日就等我介紹一間理髮店，等你地可以帶爸爸去轉換形象啦。

意大利品牌 Selvedge Grooming以往專注為男士提供儀容護理方案嘅工作，而家佢地將專業帶到理髮行業，開設咗首間品牌理髮店 —— Selvedge Barbers。 Selvedge Barbers 位於中環砵典乍街，店舖刻意外露紅磚牆身，並運用咗單色調進行設計。店舖內部就用咗復古嘅啡色皮革座椅同金屬制傢俱去營造出時尚工業風。種種嘅安排令理髮店透出原始同剛陽氣息，亦反映咗品牌嘅格調。

咁店入面又有咩理髮師為男士們理髮呢？Selvedge Barbers團隊雲集來自五湖四海嘅理髮鬼才，當中包括Ryan Roger，Karol Kozlowski及Hamish Glianos。Roger擁有 29 年嘅經驗，亦曾經係頂級髮型店進行深造，係髮型行業嘅老將之一。Roger善於將經典元素注入現代時尚，更不斷創造近乎完美嘅漸層髮型，絕對係城中理髮行業內備受尊崇嘅大師。 

而Karol就一直係歐洲各地嘅頂級理髮店及髮型學院提升自己嘅技能。Karol 尤其擅於為現代理髮加入古典元素，向傳統髮型藝術致敬。佢會為每個客人嘅頭髮、頭形及面部特徵進行分析，因此可以為男士提供獨一無二嘅專屬造型服務。 

Hamish 17 歲時就已經對理髮同造型充滿熱誠，並成為一位理髮學徒。他仲越洋到各地嘅頂級理髮店工作，建立良好口碑。Hamish 嘅認真態度同以人為本嘅服務精神吸引咗一批人才加入佢嘅團隊，仲改變咗澳洲理髮行業嘅面貌同聲譽。佢係澳洲期間擔任過三個大型節目嘅髮型總監，仲係知名節目主持人 Darren McMullen 嘅專屬髮型師添。 
 

Selvedge Barbers 唔單止提供一系列男士護理品牌俾客人選擇，仲有資深嘅理髮師按唔同嘅頭髮類型同個人風格，推薦最合適嘅保養同造型方案，相信一定會令你地嘅父親覺得滿意。今個父親節不妨帶爸爸去換返個靚髮型啦，想要預約服務嘅話可以登上官方網站 https://www.selvedgebarbers.com/ 或致電 2577 3080。

Selvedge Barbers 
香港砵典乍街 36 號地下 
營業時間：星期一至星期六 —— 上午 9 時至晚上 7 時

服務範圍 
單剪（Cut） $450 
全平頭（All Over Buzz Cut） $250 
平頭及剷青（Buzz Cut with Skin Fade） $350 
剃鬚 鬍鬚修剪及造型（Beard Trip & Shape） $250-330 
濕剃（Wet Shave） $350 
剪髮及鬍鬚修剪（Hair Cut & Beard Trim） $630 
剪髮及濕剃（Hair cut & Wet Shave） $700