公共路燈可以話係香港市民不可或缺嘅物件,尤其係因為工作或消遣關係而要夜歸嘅市民。雖然你知道呢啲街燈對我地非常重要,但你又知唔知街燈係技術發展下有啲咩新突破呢?
香港大學及技術人員研發出「被動式LED電源」技術。呢種技術獲頒第46屆日內瓦國際發明展榮獲海灣阿拉伯國家合作委員會專利局特別獎同特別金牌獎,以及由著名電機電子工程師學會頒發,具電力電子界「諾貝爾獎之稱」嘅威廉‧紐爾電力電子獎。到底呢種技術有咩特別,令佢咁厲害呢?
「被動式LED電源」技術利用高效率並環保嘅方式驅動LED照明,亦造就新一代被動式LED電源路燈面世。佢不但擁有較長嘅壽命,仲有更高穩定性。即使係極端天氣環境下亦會正常運作。另外,佢嘅電源線路上八成零件係由回收價值高嘅物料組成,可見電源技術設計上相當環保。
呢種電源早係2016年底獲政府以先導計劃形式試用,路政署係石澳鶴咀道安裝9支路燈,2017年底機電工程署就係沙田亞公角街籃球場安裝4支投光燈 。Federal Group Global Limited行政總裁王漢邦先生表示希望用創新環保科技打造香港成為LED路燈示範城市,並期望能為制定將來LED照明國際標準提供一個參考,助力香港發展成智慧城市嘅進程。
目前香港嘅公共路燈都係傳統高壓納燈,未來就會逐步改成「被動式LED電源」路燈,不但為智慧城市建設基本聯繫網點,仲可以保障道路使用者嘅安全同收集環境大數據。「被動式LED電源」不但係以可循環再用嘅材料製成,而且運作期間唔會增加散熱問題,有效實踐減廢低碳,帶嚟龐大環保效益。
環保科技顧問、世界綠色組織行政總裁余遠騁博士指出,室外 LED 燈具易受極端天氣影響,轉換至新LED路燈技術需加倍審慎,只要有好細百分比嘅電源供應系統老化及零件故障,就會造成大量電子廢物,有壞就換並非源頭減廢之道,維修封路換燈換電源,會帶嚟重大經濟代價及社會成本。「被動式LED電源」技術設計預先考慮回收可行性,為環保帶嚟效益。
Federal Group將與世界綠色組織合作於10月舉辦社會創新發明 - 智慧城市環保路燈設計比賽,俾大家發揮無限創意,設計出兼顧美觀及功能嘅LED路燈,讓大學生、中學生、市民瞭解路燈嘅重要性,提高對環保嘅重視程度。
相信香港憑住「被動式LED電源」技術,可以更快速地向智慧城市方向發展。