彩妝界嘅新興潮流就係各種大膽玩味嘅妝容，今個春夏，美國紐約彩妝品牌BRONX COLORS - URBAN COSMETIS宣佈正式進駐香港，為大家引入一系列專業級前衛彩妝，展現都會女性嘅獨特魅力。夏天就當然要介紹下防水嘅春夏彩妝啦！

夏天咁熱，女士們最擔心嘅就應該係溶妝問題啦。針對呢一點，BRONX COLORS首推「無瑕光透防水防油粉底液」系列，產品獨有防水防油配方，可以長時間維持無瑕妝容，對抗悶熱同汗水嘅逆襲，相當適合運動嘅時候使用。

佢兼具高度遮瑕及柔霧妝感嘅特性，可以完美柔化臉上斑點瑕疵同時明亮膚色，無時無刻展現最佳底妝效果。另外，佢仲有長效保濕嘅效果，等你嘅肌膚可以時刻保持水潤。

呢個系列一共有6款色調，包括Light Beige，Beige，Nude，Medium Beige，Cacao同埋Nutmeg，一定有一種可以配合返你嘅膚色！

化妝除咗粉底液又點少得眼線筆呢？富有個人風格嘅眼妝可以盡顯你嘅獨特生活態度。BRONX皇牌之一嘅「午夜炫黑煙燻眼線筆」以獨特海綿頭及眼線液組合，海綿頭能深入睫毛根隙，輕鬆描繪完美眼線造型。

而「玩魅雙頭圖印章眼線筆」就為女士塑造別樹一格嘅防水防油眼妝，令你夏天自信示人。佢備有雙頭設計：一邊係輕柔軟芯刷毛，極致防水不掉色；另一邊設計成紋身印章，包括極具時尚感嘅星形、活潑復古嘅心形同埋獨特前衞嘅 Bronx形符號。除了用於面上，亦可印於身體上，為整個妝容增添玩味感。

想要喺夏日表現出獨特多變嘅一面？咁就要去BRONX COLORS - URBAN COSMETICS為自己添置彩妝產品，為妝容加添時尚玩味氣息啦。