美國咁大，除左西岸嘅California Vibe（加州）同東岸嘅Big Apple（紐約）之外，美國嘅首都— 華盛頓特區其實都好值得遊覽一番。黎到華盛頓特區，除左要了解呢個地方嘅背景之外，搵到啲打卡好地方都好重要。

今次介紹嘅唔係白宮同櫻花，而係Hirhhorn Museum and Sculpturre Garden、Union Market同 National Building Museum。呢三個地方除左可以令遊客們了解更多同嘆為觀止一番之外，仲有一係列嘅影相位等住一班以影相打卡行先嘅熱血青年黎探究一番呀！

#Hirshhorn Museum and Sculpture Garden

呢個博物館有別於傳統嘅博物館，近現代藝術作品、暴力美學、行為藝術、破壞力等都係呢個博物館嘅主題。有著各種不同類型又引人入勝嘅現代藝術風格，睇相都知呢個博物館係幾咁好影啦！

#Union Market

行到黎呢個market嘅朋友，唔好以為呢度得野食買，其實背後暗藏玄機呀！冇錯啦，就係塗鴉！美國街頭嘅塗鴉文化簡直係聞名於世，即使係黎到有著濃濃嚴肅氣氛嘅華盛頓特區，街頭藝術家依然發揮佢地嘅無限創新，為呢一個城市填上更多色彩。所以大家唔好走漏眼，記住要一路食一路影呀！

#National Building Museum

以為呢個博物館淨係關樓同建築事？咁你就錯啦！其實呢個博物館經常會利用有成10,000平方英尺嘅大堂去舉辦好多有趣同互動性強嘅展覽，例如係The Beach（人造嘅膠球室內「沙灘」）同 Big Maze （大型室內迷宮）。絕對適合又鍾意玩又鍾意影相嘅我地呀！