對男士嚟講相當重要嘅一個節日即將來臨啦。父親節送咩俾爸爸好呢？相信唔少人會選擇以腕錶作為禮物送出去。瑞士天梭表嚴選出三款腕錶俾大家挑選。佢地不但時尚感十足，仲擁有優越功能，適合唔同風格及性格嘅爸爸配戴。

尊貴時尚　事業型父親必備：Ballade Silicon COSC天文臺認證自動腕錶系列

Ballade Silicon COSC天文臺認證自動腕錶系列嘅設計創新突破。呢個系列以316L不鏽鋼材質打造而成，內載獲COSC認證嘅Powermatic 80自動上鍊機芯。另外仲有用到高科技材質嘅矽游絲，令游絲不受磁場影響。它同時能夠抵抗溫度變化，即使氣溫有高低轉變亦唔會影響準確度。

除此之外，矽具有高硬度、抗腐蝕、耐磨損嘅特性，令游絲更耐用。同時亦確保腕錶可以準確測量時間，進而提升腕錶嘅精準度。對於事業型爸爸嚟講，分秒不差地掌握時間非常重要，呢款腕錶就相當適合佢啦。

風度翩翩　君子爸爸最愛： Couturier 自動多功能計時腕錶

講到爸爸最愛嘅款式，就不得不提天梭表Couturier自動計時腕錶系列啦。呢個系列嘅線條優雅，同材質相匹配。經過工匠對細節嘅精雕細琢，以及匠心獨運嘅非凡工藝，呢個款式絕對經得起時間嘅考驗，能夠保持喺潮流當中。溫文爾雅嘅爸爸配上呢款腕錶嘅時候，就更顯氣魄非凡。

Couturier自動計時腕錶系列嘅特點係佢嘅Powermatic 80機芯，呢款機芯擁有比一般自動機械錶機芯多達一倍嘅動力儲備。只要平日持續配戴，腕錶就會隨住手腕嘅擺動為機芯自動上鍊，提供高達80小時嘅動力儲存，令爸爸喺使用嘅時候更加方便。

海陸兩用　陽光爸爸之選：T-Touch Expert Solar II高科技觸碰感應太陽能腕錶

作為首個推出太陽能觸碰螢幕腕錶嘅品牌，T-Touch Expert Solar系列手錶進一步展現出天梭表非凡嘅觸控製錶技術。太陽照射喺錶盤上嘅光線可以為手錶持續充電，咁嘅話爸爸就唔洗擔心換電問題啦。當然，呢款腕錶亦提供必備嘅日常功能去照顧父親嘅需要。

T-Touch Expert Solar II高科技觸碰感應太陽能腕表嘅觸控錶盤上半部配備羅盤，佢嘅軍綠色設計專為陸上冒險而設。爸爸只需點擊錶面上嘅功能鍵就可以激活對應功能，操作簡單。

呢款腕錶備有多種功能，包括帆船賽計時功能、背光功能、帶分段累計計時/同時分段計時/按圈計時功能嘅讀秒計時功能、方位計、潛水日誌、計時器、雙時區、萬年曆功能等，用途廣泛。而且佢嘅外觀設計時尚現代，動感十足，啱哂好動型爸爸使用。

以上三款腕錶各有唔同嘅特點同設計，大家可以睇返爸爸嘅喜好同需要去揀返隻腕錶俾佢呀。