每次去日本都係東京同大阪？不如今次有啲新意去下北海道！可能你會問夏天嘅北海道有咩玩，除咗冬天可以滑雪之外，北海道春夏天都各有特點架。

其實北海道富良野係欣賞薰衣草嘅好地方，而「富田農場」更加係日本最有規模嘅薰衣草花田，起伏嘅薰衣草田鋪天蓋地，成個農場一共有13片花田，仲有花園、溫室同「「薰衣草東部」園區俾你慢慢欣賞一望無際既花海。

富田農場仲好貼心咁提供巴士服務等大家可以遊覽整個園區，唔單止能夠欣賞薰衣草花田，同時可看到十勝岳連峰踲雄姿和夕張山地，有中、英語導覽添！

#傳統薰衣草花田　（開花期6月下旬～8月上旬／賞花期7月上旬～中旬）

呢到係富田農場嘅原點，亦係日本歷史最悠久嘅薰衣草田。一整片嘅薰衣草花田就好似為大地鋪上紫色地毯一樣，而且整面斜坡都種滿咗薰衣草架！

係花田嘅頂端仲可以富良野盆地的田園風景同十勝岳連峰。

#花人之田 （開花期5月上旬～10月上旬／賞花期7月上旬～9月下旬）

從春天嘅球根三色堇到秋天嘅萬壽菊，都係呢片花田盛開，一排排花種植出緩緩嘅弧度，迎接賞花嘅客人～所以又稱為花人之田！

#倖之花田  (開花期6月下旬～8月上旬／賞花期7月上旬～中旬)

位於富田農場嘅中央，由濃紫早開、OKAMURASAKI，YOTEI，HANAMOIWA等四種嘅薰衣草品種構成嘅花田。花色互異嘅四種薰衣草形成紫色嘅美麗漸層！而且「倖」亦係祝福每個到訪嘅客人可以得到幸福～真係好浪漫呀。

#彩色花田 （開花期7月上旬～下旬／賞花期7月中旬～下旬）

講到明彩色當然係色彩繽紛，以紫色薰衣草為首，然後有白色嘅滿天星、紅色嘅罌粟紅、粉紅色嘅小町草、橘色嘅加州罌粟橙，係代表富田農場嘅花田！係緩起伏嘅斜坡上睇苟就好似一道美麗嘅彩虹咁～

#秋之彩色花田 （開花期6月上旬～10月上旬／賞花期7月上旬～9月下旬）

係呢到可以欣賞到代表秋天嘅醉蝶花同埋各種四季綻放嘅花朵，初夏嘅日本玫瑰花散發著清新嘅花香，而晚秋仲可以望到開始積雪嘅十勝岳連峰，簡直係美不勝收！

唔止可以欣賞花田，農場仲設有多間小商店，可吃薰衣草雪糕、購買薰衣草精油同薰衣草香袋！

地址：北海道空知郡中富良野町基線北15號

交通方式：從JR薰衣草花田站起徒歩7分鐘

營業時間：上午8:30〜下午5:00（5月・6月・9月）

上午8:30〜下午6:00（7月〜8月）