唔知大家仲記唔記得TeamLab呢?呢個藝術團體利用科技去捕捉靜物嘅神態,經過電腦運算後將影像呈現喺觀賞者嘅眼前。展覧中仲有感應器同攝影機,令觀眾可以參與到藝術品當中。
TeamLab喺世界各地都有舉行過展覧,今次舞台就去到日本東京台場。呢次佢地會同MORI Building合作開設藝術館,由6月21日起就可以進行光影藝術體驗啦!
呢個MORI Building DIGITAL ART MUSEUM利用咗520台電腦同470台投影機,為大家打造嶄新嘅光影世界。今次嘅展覧有五個主題,分別有Borderless World,運動森林,學習!未來游樂園,燈之森林同埋EN Tea House。
TeamLab希望可以帶出藝術作品無邊界嘅意念,佢地提出作品與作品之間可以進行交流。觀眾沈浸喺無界藝術當中探索,亦可以與他人共創新嘅體驗。呢個展覧表現出“teamLab 無界”嘅概念,並為大家呈上一個無可比擬嘅世界。
呢個充滿互動性嘅藝術展覧可以玩樂之外,仲係個打卡一流嘅地點。女士們不容錯過呀!
Tags: homita小出走
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like