諗好今個夏日要去邊度玩未呢？未諗到唔緊要，等我介紹一個玩樂與打卡兼備嘅地方俾大家啦！今次要介紹嘅係一個全台灣首創，以泡泡為主題嘅情境式展覧。唔只係小朋友，連大人都會俾呢個美妙嘅科學藝術空間所吸引！

呢個咁有趣嘅「瘋狂泡泡實驗室」展覧係由6月16至9月30日喺士林科教館舉行，展覧利用咗童真滿滿嘅泡泡引人注意，再介紹背後嘅科學知識，可以話係寓教於樂。大家喺玩之餘仲可以收穫知識！

今次展覧透過實際操作、捏塑、吹鼓泡泡嘅過程引領大家進入泡泡的夢幻世界，並將科普知識帶入日常當中。

除咗實際操作嘅泡泡體驗，瘋狂泡泡實驗室仲以泡泡為題，創造出許多如夢似幻的拍照空間。有好玩嘅水床螢光泡泡、浪漫嘅啵啵球池、湧出綿密泡沫嘅泡泡火山，同埋泡泡音樂盒等，科學與藝術巧妙地結合，創造各個唯美場景。

喺泡泡製造所入面，你仲可以自行操作創造唔同形狀同效果嘅泡泡，呢個展覧絕對係盛夏當中嘅夢幻之選。女士們唔好再諗啦，快啲飛去台灣投入泡泡世界，揾返一直住喺心中嘅小女孩啦！

展覽資訊
展覽時間：2018/06/16(六)─2018/09/30(日)，周一不休館
開放時間：平日09:00-17:00，16:00停止售票入場
假日09:00-18:00，17:00停止售票入場
展覽地點：國立臺灣科學教育館7樓南側特展區