喜愛影相拍片嘅你而家係咪用緊Sony機呢？今日又有新相機推出啦！全新代表作RX100 VI (DSC-RX100M6)會加入廣受用戶推崇嘅 Cyber-shot RX 相機系列，為大家帶嚟更加好嘅攝影體驗。

RX100 VI為Sony RX100系列中首創配備高倍率變焦鏡頭，集合極致影像質素、高速反應同輕巧設計嘅優點，當然唔少得靈活多變嘅拍攝功能啦。呢款相機無論係拍攝靜態照片或影片都可以得心應手，任何攝影題材都唔會難到佢。

全新RX100 VI配備 1.0 吋層疊式2,010萬像素Exmor RS™ CMOS 影像感測器結合DRAM 晶片、 強化 BIONZ X 影像處理器搭配高速前端 LSI 晶片大幅提升處理速度，並同時優化影像質素。

此外，RX100 VI配備快速混合式自動對焦系統，對焦時間只須0.03秒，堪稱為全球對焦最快1.0 吋感測器相機。RX100 VI 喺採用連續自動對焦/自動曝光追踪拍攝下，實現高速每秒24 幀率嘅全像素拍攝，仲可以進行全像素讀取無像素合併嘅4K 影片拍攝。 

全新ZEISS®Vario-Sonnar T* 24-200mm F2.8-4.5鏡頭將24-70mm和70-200mm兩段常用焦距融入纖巧機身，全憑先進嘅光學設計採用兩片ED（超低色散）非球面玻璃鏡片同八片非球面透鏡，當中包括四片AA（高級非球面）透鏡組成，能夠喺整個變焦範圍內有效抑制色差，同時保持影像每個角落和邊緣一致清晰銳利。

RX100 VI新鏡頭令用戶使用任何對焦範圍都能保持大光圈拍攝，拍攝人像時輕易締造唯美嘅散景效果，亦可以快速對焦移動事物，輕易捕捉一瞬即逝嘅時刻。鏡頭仲內置Optical SteadyShot™光學影像防震功能，咁就唔怕會因為相機抖震而令影像模糊啦。

全新RX100 VI具有快速混合式自動對焦系統，令相機可以極速鎖定對焦。嶄新嘅自動對焦系統結合相位偵測對焦系統及對比偵測對焦系統嘅優點，315 個相位自動對焦點覆蓋率達65%畫面範圍。系統與多功能24-200mm 鏡頭完美配合，確保所有影像嘅邊緣同細節精確銳利。

機身輕巧嘅RX100 VI提供全面嘅影片拍攝功能，一定滿足到喜愛拍片嘅你。喺採用快速混合式自動對焦功能下，可以為你帶嚟準確嘅對焦及追踪表現。用戶亦可以喺系統選單中調校自動對焦速度及自動追焦靈敏度，從而增加攝影嘅創作彈性。

RX100VI配備高對比度235萬點XGA OLED Tru-Finder™電子觀景器配上ZEISS® T*塗層，令影像呈現逼真細節。而相機嘅觀景器仲採用全新一按即用設計，只須按下啟動按鈕就可快速啟動，非常方便。

Sony全新Cyber​​-shot RX100 VI相機嘅售價為港幣 9,990元，並會喺7月開始發售。喜愛拍攝嘅你絕對唔可以錯過呢款相機呀！