打卡風潮盛行，自拍已經係入門級別。旅遊時進行拍攝亦都係常見嘅事，近來更係越嚟越多人進行Vlog影片拍攝，記錄自己嘅日常。為咗方便大家，Sony推出咗多功能小巧拍攝手柄VCT-SGR1。
全新拍攝手柄VCT-SGR1係特別為Cyber-shot RX0及RX100系列相機而設，可以透過Multi/Micro USB傳輸線連接到兩款相機。拍攝手柄非常小巧輕便，方便用戶調整角度達向上70度或向下100度，咁就可以捕捉不同嘅視角，包括高低角度拍攝同自拍照。
拍攝手柄設有多個按鈕，包括快門、錄影停止/啟動和變焦功能，單手都可以輕鬆控制。注意變焦功能係要有變焦嘅型號先用得咖。
此外，手柄嘅底部仲可以伸展開做三腳架咁使用，適合拍攝大合照或在低光環境下採用較慢快門拍攝時使用。
Sony全新VCT-SGR1拍攝手柄將於2018年8月初開始發售，售價將於稍後公佈。喜愛拍攝嘅你絕對唔可以錯過一款實用手柄，等你隨時隨地都可以揾啱角度影相呀！
Tags: homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
