記得細細個果陣成日都會玩BOMBERMAN嘅線上小遊戲，真係有啲懷念果段遊戲時光呀。不過都唔洗咁掛住佢地，嚟緊你可以喺街上見到佢地嘅蹤影咖啦！根據可靠線報，六月會有得意可愛嘅BOMBERMAN出沒香港街頭，仲要炸遍夏天！

置富Malls呈獻「置富Malls x BOMBERMAN夏日擂台大作戰」，被譽為紅白機時代經典作之一嘅炸彈人BOMBERMAN今年適逢35週年，仲會喺７月重臨香港，黑寶和白寶連同其他炸彈朋友組隊出發跑入置富Malls，進行夏日擂台大作戰！

你以為炸彈人淨係識放炸彈? 其實跳舞先係佢地嘅秘技！6月30日，白寶宣佈要帶頭率領爆炸力驚人嘅舞者走進鬧市街頭，派發炸彈通函及禮品聘請炸彈人。快閃進行勁舞戰鬥，誓以連場勁舞「炸」遍全城，炒起火熱氣氛，齊來迎接初夏！

 
想喺街頭同炸彈人見面？咁就要留意下面《置富Malls x BOMBERMAN 街頭勁舞巡迴「炸」》嘅詳情啦！
 
喺2018年6月30日(星期六)，下午2時－下午2時30分喺紅磡置富都會 (香港九龍紅磡都會道6號)，下午3時15分－下午3時45分喺尖沙咀天星碼頭 (近鐘樓)，又或者下午4時30分－下午5時喺港鐵沙田站(宜家家居對出)都可以揾到炸彈人咖。

如果想見佢地就千祈唔好錯過呢個大好機會。約埋朋友去回味當年美好嘅遊戲時光啦！