位於西營盤高街嘅十字冰室自去年四月開張以嚟深受食客歡迎，成績咁好就當然係要開分店啦！最近十字冰室分店選址銅鑼灣區，並已於上週末試業。分店除咗保留總店著名菜式外，亦變奏出多款中式經典美食，仲限定只喺分店供應，希望為大家帶嚟更多新鮮感。

延續十字冰室嘅靈魂，當然唔少得喺菜式中加入同屬集團嘅傳統牛奶品牌 - 十字奶做食材，為呢個紮根香港五十多年嘅牛奶產品品牌注入新力量，令年輕一代以嶄新角度認識傳統品牌。

十字冰室上年特意選址充滿活力嘅西營盤，今年六月就進駐年輕潮流地區- 銅鑼灣，分店面積更大，可提供 52 個座位，保存總店別樹一格嘅懷舊裝修，配合破格創新食品，大玩一系列中式經典變奏美食，並以普羅大眾化嘅價錢吸引食客，繼續打造極具代表性嘅冰室品牌。

未踏進十字冰室，已經見到其標誌性霓虹招牌喺門口位置成打卡指定 ICON。冰室裝修延續懷舊與摩登風格，全店以紅、白、灰、黑為主調，並採用極具復古風嘅紅磚牆、傳統鐵窗花、舊式防破玻璃配以復古花地磚、白色文化磚與灰色水泥牆混搭。

冰室配置簡潔白色餐枱及開放式水吧，不論餐具、 餐牌、一杯一碟、員工制服，以至洗手間門口貼滿街招嘅昔日後巷街景一一保留，每個細節均花盡心思。

銅鑼灣分店另一亮點是落地玻璃的優閒吧枱位，等食客可以一邊優閒地享受玻璃外嘅街景，一邊品嚐冰室美食。 銅鑼灣新店仲睇準附近上班、上學族所需，注入 “ Grab n Go”概念，提供便攜輕食早餐，如多款三文冶及十字乳酪鮮果泥麥片杯，等大家一朝早快速注入滿滿能量。

快啲約埋朋友一齊品嚐各款分店限定嘅變奏中式經典美食啦！

十字冰室

地址：銅鑼灣禮頓道 64 號地下

試業期間營業時間：星期一至日 07:30 至 21:00

電話：2955 4722