唔夠一月就踏入暑假啦，相信唔少港人都會趁住旅遊旺季同屋企人浩蕩「回鄉」! 今年7月6日至9月24日於東京日本橋地區舉辦嘅夏祭「ECO EDO 日本橋 2018 ～以五感體驗江戶之涼～」，集合咗各個以「納涼」為主題嘅活動。

今年已嚟到第11屆嘅日本橋地區「ECO EDO 日本橋 2018 ～以五感體驗江戶之涼～」係一年一度嘅夏日盛典! 呢個夏祭以江戶時代為背景，以嚟自日本橋嘅「納涼」概念為主題，集合咗各項以現代風體嘅活動與裝飾，等到訪人士都可以用五感體驗日本源遠流長嘅納涼傳統。

「金魚大燈籠參道」

日期:  7月6日至9月24日
地點:  仲通 (COREDO室町1・2之間)

「仲通」以搖曳嘅藍光包圍，營造出川河嘅水面形態，仲會用燈光投影方式呈現煙花喺水面上燦爛盛放嘅美態，期間仲會播放相關嘅背景音樂，等訪客猶如置身川岸睇煙花咁樣，感受夜間嘅絲絲涼意。

「金魚大燈籠」「Cross Over燈籠」

今年全新登場嘅「金魚大燈籠參道」將以多個傳統「金魚大燈籠」作佈置，仲有由「ECO EDO 日本橋 2018」藝術總監木村英智先生所監督設計嘅巨型金魚燈籠登場(高約1.8米)，十分震撼! 

除咗巨型金魚燈籠以外，今次祭典仲同喺日本橋有分店嘅大日本除蟲菊株式會社(金鳥)合作，用佢著名嘅蚊香廣告場面為藍本設出特別圖案嘅燈籠，創出別樹一格嘅金魚街道。

「金魚甜品與輕食」

日期: 7月6日至9月24日
※根據店舖而異

日本橋地區附近共102間食店亦將會推出以「金魚」為主題嘅美食，當中包括咗最啱「影相呃LIKE」嘅甜品及輕食(Bar Menu & Alcohol Menu)，外型精緻可愛，不但可以品嚐一口涼意，仲係甜入心頭! 另外，今年仲首次提供9月限定納涼菜單，提供多款配合初秋嘅食品任君選擇。

「ECO EDO 日本橋 Art Aquarium 2018 ～江戶・金魚之涼～ ＆ 夜間水族館」

日期：7月6日至9月24日
地點：日本橋三井廣場 (COREDO室町1　5F　※入口位於4F) 
※新作品的內容或設計或有可能變更

「ECO EDO 日本橋 Art Aquarium 2018 ～江戶・金魚之涼～ ＆ 夜間水族館」「ECO EDO 日本橋 2018」由藝術總監木村英智先生打造，融合“藝術、設計、娛樂”及“水族館”嘅水族藝術展覽會—「Art Aquarium」。

今年嘅主題係“真日本”，以金魚及錦鯉為主嘅數千條觀賞魚喺充滿日本特色嘅獨創水族箱內優雅起舞，呈現有如夢境般嘅“涼”之空間。另外，仲有將金魚投射喺天花板上、屏風造型等大型作品展出，大家千萬不要錯過! 

「日本橋地區金魚精品」

如果大家想要充滿日本納涼風情嘅「金魚」小物，喺COREDO室町都可以揾到多款美輪美奐嘅精品! 如手帕、襪子及碟子等，無論送禮或是自用都非常合適，得體之如仲係實用性滿分!

「ECO EDO 日本橋 2018 ～以五感體驗江戶之涼～」詳細資料
活動期間：2018年7月6日～9月24日
地點：日本橋地區 (COREDO室町、COREDO日本橋、日本橋三井大廈等)
 
COREDO室町
【地址】東京都中央區日本橋室町2-2-1
【交通】東京地下鐵三越前站直達、JR新日本橋站直達
【營業時間】店舖:  10：00～21：00
                    餐廳:  11：00～23：00
※部分店舖會有所不同

今個夏日一於去到東京日本橋，用五感體驗日本人嘅納涼奧秘啦!