想趁暑假去京都嘅朋友有福了! 皆因京都站附近嘅全新酒店——「Daiwa Royal Hotel Grande Kyoto」已經喺本月9日正式開幕! 由酒店步行至京都車站淨係要5分鐘，且價錢亦十分親民，對於旅行嘅大小事情都要求「快、靚、正」嘅港人嚟講就係最佳落腳點! 

現代和式豪華裝潢盡顯雍貴 設大型LED屏幕展現京都四季美景 九國人員為你服務
新開幕嘅「Daiwa Royal Hotel Grande Kyoto」地理位置優越，由JR京都車站八條口步行只需5分鐘。出外遊走後，最需要嘅就係寧靜悠閒嘅氛圍。 

「Daiwa Royal Hotel Grande Kyoto」為咗給客人提供最舒適嘅休憩空間，裝潢都採用「和式」設計，酒店大廳天花由著名女書法家白川香翠小姐親自設計，同時喺酒店櫃台後方設有充滿現代感嘅大型LED屏幕，展示京都四季嘅優美景色，等客人感受京都古意與現代日本嘅時尚感。

酒店客房嘅大小由20㎡起跳，全部客房禁煙、備有齊全嘅客房設備，包括旅遊專用智能手機HANDY PHONE、免費Wi-Fi、空氣清淨器、50或60寸液晶電視等，確保旅客享受舒適嘅住宿體驗。

另外，迎合全球化下嘅日本，酒店仲集合咗嚟自世界各地嘅工作人員，用9種不同語言（中文、英語、俄語、韓語、荷蘭語、意大利語、法語、西班牙語和德語）為客人提供服務，預計可應對多達120個國家嘅旅客，消除旅客對語言不通嘅恐懼。

豪華貴賓餐飲服務   意日風情料理「La Terrazza」全日開放 
入住京都嘅酒店又點可以唔試下當地餐飲服務? 酒店嘅貴賓層設置於7至9 樓，貴賓層嘅全部客房都設有抺茶機供客人自製抺茶，貴賓層客人亦可於早餐、下午茶和雞尾酒時段到酒店頂樓嘅貴賓廳免費享用唔同類型嘅餐飲服務，感受更高級嘅住宿體驗。

酒店內嘅意式餐廳「La Terrazza」全日開放，由高級餐廳嘅意大利籍主廚親自主理，等旅客可以享用以京野菜及京都當地食材烹調嘅地道意大利料理。唔只係咁，主廚對於烹調日本料理亦好有心得，能夠帶出其纖細味道! 

愛好日式料理嘅客人都可以喺晚餐時段選擇鐵板料理，廚師會喺吧台即席製作鐵板料理。一邊欣賞大廚為自己下廚，一邊品嚐招牌鐵板牛扒，咁豪華嘅餐飲體驗，只此一家!

Daiwa Royal Hotel Grande Kyoto絕對可以為你嘅旅程帶嚟驚喜，令你賓至如歸！