影迷們相信都有一個必睇電影清單，今日又要幫你嘅清單添上新一部電影啦，因為嚟緊又有一部喺世界各地贏盡好評嘅新戲上映！
《獨行煞星》(You Were Never Really Here) 由蘇格蘭女導演蓮妮南斯 (Lynne Ramsay) 執導， 改編自Jonathan Ames同名短篇小說，不但邀得荷里活實力巨星祖昆馮力士參演，更由《霓裳魅影》(Phantom Thread) 金像級配樂師、「Radiohead」Jonny Greenwood 操刀配樂，配合凌厲嘅影像風格，帶來極大官感衝擊！
近20年，蓮妮南斯只拍了4部電影，但迴響卻極大。她每部電影都同死亡有關，並擅以寫實冷冽嘅風格揭露世界及人性嘅陰暗面。導演曾提及自己著重影像多於劇情，擅於描寫身體動態多於對話。所以佢特別愛用特寫鏡頭，來表達人物的複雜情感。
與上一部作品推出相隔6年，導演再推出全新口碑傑作《獨行煞星》，成功一舉奪下康城影展「最佳男主角」及「最佳劇本」，成績驕人！
而身為男主角嘅美國型格男星祖昆馮力士，一向被公認為好戲之人。過去曾參演多部叫好叫座電影，演活每個性格各異嘅角色，可塑性極高，屢獲影評觀眾激讚！祖昆更憑精湛演技，橫掃多個國際影展獎項及提名，實力不容置疑。
故事描述飽受戰後創傷後遺症困擾的退伍軍人阿祖 (祖昆馮力士 飾) ，雖然早已生無可戀，但仍致力於解救被迫作性交易嘅女性，希望可以得到一點心靈救贖。一次佢喺紐約曼克頓嘅妓院營救一個女仔嘅時候出咗差錯，令他遭受黑道及貪官強大嘅暴力衝擊﹗呢一次同時亦喚醒阿祖內心嘅激情，他決定以暴制暴，向對手掀起腥風血雨嘅復仇戰…
祖昆表示呢部電影擁有毫無破綻嘅劇本，擁有完整嘅故事線同豐富嘅人物角色，但為咗拍出嶄新嘅電影，今次就同導演以創新方式進行拍攝，為大家帶嚟不一樣嘅電影。呢部電影得到權威影評網Rotten Tomato給予87%正評，證明電影效果出色。影迷們絕對不容錯過。
