燴炙人口嘅美國經典漫畫《加菲貓》(Garfield)自1978年6月19日推出以來,一直是全球創作人的藝術啟蒙,《加菲貓》作者Jim Davis嘅藝術足跡更孕育著無數當代藝術界翹楚。
為標誌《加菲貓》邁向40周年重要里程碑,ELEMENTS圓方將與Jim Davis聯手策動《加菲貓》亞洲首個漫畫與藝術跨界聯展,於2018年7月14日至9月2日期間呈獻Glamorous 40: Garfield’s Asia Art Tour。
今次會以香港作首站等讀者們回顧《加菲貓》跨越黃金40載嘅經典作品原畫及手稿、見證《加菲貓》設計造型嘅蛻變演進,還可細味Jim Davis與多位藝壇泰斗嘅一次跨地域、跨界別嘅創意聯乘,印證《加菲貓》從漫畫作起點與高端藝術接軌嘅新里程,而Jim Davis將遠道來港為展覽揭開序幕。
《加菲貓》係近代藝術創作嘅搖籃,其劃時代嘅美學涵養、寓意深長嘅人生哲思、破革立新嘅故事創作啟發咗唔少世界頂尖嘅創作人。今次展覽將會展出巨型嘅加菲貓擺設,仲會展示多位舉足輕重嘅藝術家以他們最擅長嘅領域與《加菲貓》催生出全新火花,為呢位經典漫畫角色賀壽。
參與今次展覽包括來自美國、中國大陸、台灣、香港及澳門地區嘅創作單位,涉獵範疇涵蓋雕塑、書法、繪畫、琉璃工藝、時裝、造型公仔玩具、產品設計、摺紙藝術等等,成就出史無前例嘅跨界別創意聯展。
關於《加菲貓》漫畫威水史
1978年6月19日,《加菲貓》漫畫就喺美國漫畫家占‧戴維斯(Jim Davis)筆下誕生。加菲貓係一隻富有幽默感嘅橙色小貓,腦袋轉數極快!加菲貓最喜歡嘅就係寬條麵、咖啡以及將電視搖控器私有化。
唔好忘記仲有佢嘅主人阿北,同埋鐘意親近人類嘅笨小狗阿的。起初《加菲貓》只係喺41份報紙刊出,到目前已經成為世界上覆蓋範圍最廣闊嘅連載漫畫,且出現喺全球2,100份報紙之中。經由環球出版集團出版嘅漫畫,更曾被繙譯成42種文字,全球讀者人數超過二億人。
隨着漫畫嘅大豐收,《加菲貓》衍生出一個巨大娛樂王國,當中有電視製作︰《Garfield And Friends》(港譯《大食懶加菲貓》)、 《The Garfield Show》,以及在黄金時段數不完嘅加菲貓特輯。電影作品包括︰《 Garfield: The Movie》(港譯《加菲貓》)、《Garfield: A Tail of Two Kitties》(港譯《加菲貓2》)等。還有林林總總,超過2億銷量嘅暢銷書,有特許版權嘅產品更是不計其數。
《加菲貓》被認為是長青偶像,除咗因為耐力非凡,同時亦因為佢喺呢40年光景中,永遠保持年輕同精靈鬼馬!
想同全球1,600萬粉絲一同追蹤加菲貓?請到 Facebook (facebook.com/Garfield), Twitter (twitter.com/Garfield), and Instagram (Instagram.com/Garfield)各大連結,或到網站garfield.com,及加菲貓免費教育網站professorgarfield.org.
Glamorous 40: Garfield’s Asia Art Tour詳情
日期: 2018年7月14日至9月2日
地點: ELEMENTS圓方金區1樓
時間: 上午10時至晚上10時
查詢: 2735 5234
Facebook: https://www.facebook.com/ELEMENTS.HONGKONG