2018年第18屆亞洲運動會即將喺印尼雅加達及巨港舉行，瑞士天梭表憑著其精準超卓嘅計時技術，再度成為今次亞洲運動會官方指定時計。為隆重其事，天梭表特意推出三款第18屆亞運會特別版腕錶，包括T-Touch Expert Solar腕錶、PR 100 80小時動力儲存自動腕錶及Chrono XL Classic腕錶。

三個款式各具特色，同樣展現出運動員嘅活力與堅持，而底蓋上嘅2018亞運會標誌令腕錶更具收藏價值。為紀念此系列嘅限量版腕錶，瑞士天梭表特意請來有「美人魚」之稱嘅香港游泳代表歐鎧淳Stephanie Au，以不同造型演繹各款限量版腕錶嘅獨特魅力。

為備戰亞運，Stephanie近日忙於喺台灣進行高度密集式訓練，推掉大部份工作，但有感是次天梭表拍攝活動有助推廣亞運會同體育精神，所以無論訓練有幾緊湊繁重，亦特意向泳隊請假一天回港進行拍攝。

縱然行程非常緊密，Stephanie於拍攝當日仍狀態十足，表現專業，絲毫看不出倦意，Stephanie笑言自己發揮緊運動員嘅堅毅精神，因為其實游泳訓練好苦悶，要有非常堅定嘅意志同紀律，先可以不斷自我鞭策，從而突破自己，獲得進步。

Stephanie指呢份運動員精神亦啟發咗佢日常嘅處事態度，令佢從不輕言放棄，永遠要做到最好，以最佳狀態示人。加上今次為天梭表亞運會限量版腕錶拍攝，就更要充份展示呢份運動員精神。佢相信天梭表亦是憑著一份堅持，先可以脫穎而出，多次成為世界級體育比賽嘅官方指定計時品牌。

為配合三款限量版腕錶，Stephanie以多個不同造型突出每款腕錶嘅設計，談到心水之選，Stephanie直言偏愛大錶面的設計。

Stephanie指三個設計各有特色，T-Touch Expert Solar腕錶功能最為全面，其直線與棱角的線條獨特而有性格。

而PR 100 80小時動力儲存自動腕錶就以傳統與時尚嘅設計取勝，Stephanie特別喜歡它的紅色秒針，充滿朝氣活力，為整個經典的設計起了點睛的作用。

但Stephanie最愛嘅都係Chrono XL Classic腕錶，其標誌性嘅直徑45毫米大錶面最得我心，加上有阿拉伯數字時間刻度，令讀時更準確清晰，特別適合運動員，而佢同樣採用紅色秒針，令簡潔流麗嘅腕錶添上朝氣同動感氣息。

活力充沛嘅Stephanie仲興奮地表示今屆將會係佢第三度代表香港出戰亞運會，除咗佢嘅主項50及100米背泳以及多個接力項目外，仲會首次挑戰亞運嘅50米自由泳，心情期待又緊張。

而隨著年齡增長和身體變化，訓練模式亦有所改變。而家嘅佢現在不再只注重總距離，反而更講求技術上嘅進步同速度，重質不重量，就好似天梭表一樣，多年嚟秉承傳統，發揮創意，堅持追求優越嘅品質。

被問及對於是次比賽嘅期望，Stephanie直言目標係取得獎牌，除咗接力項目外，仲希望喺個人成績上有所突破。而Stephanie嘅家人和好朋友得知今屆亞運會嘅比賽場地後，亦立即預訂機票住宿，準備親身到現場為她打氣。

相信Stephanie喺充足準備，以及一眾親朋好友，以至全港市民嘅支持下，一家可以喺呢次亞運會發揮水準，取得好成績。