暑假又有好地方可以去玩啦！港鐵商場 PopCorn 喺今個夏天將與著名遊樂設施公司 NAMCO 合作，呈獻海外首個互動數碼感官 PARK ─【PopCorn x NAMCO ぱぱぱ PARTY 玩!玩!玩! 體驗館】，把日本大受歡迎嘅互動數碼感官樂園【ぱぱぱ Party 玩!玩!玩!體驗館】首度引進香港。

喺 7 月 14 日至 9 月 2 日期間，PopCorn 中庭會變成一個以多元感官與數碼科技拼發出嘅互動遊戲區，等大家體驗 4 大多元感官互動遊戲，透過視覺、聽覺及觸覺重新激發觀察力及想像力，齊齊渡過一個滿「Fun」暑假！ 

今次嚴選 4 大多元數碼感官互動遊戲登陸 PopCorn，當中最矚目嘅必定喺全球首度推出嘅《Flying to the Planet 飛奔到宇宙》，等大家挑戰身體極限，以爆發力由 PopCorn 一「足」即發跳出星際，並以速度配合跳躍挑戰探索不同星球，透過螢幕自由傲翔宇宙。參加者完成遊戲後，仲可以將成績及有關遊戲短片上載至 facebook，同朋友分享有趣片段之餘亦能一齊挑戰比拼。

另外，3 大多元數碼感官互動遊戲都係首次衝出日本於海外首度登場，包括《Voice Aquarium 聲 Sing 水族館》數碼感官互動遊戲，參加者透過聲線嘅大小高低代替手上筆杆，創造專屬魚兒，喺精彩嘅水底世界暢「游」。

《Poi Poi Painting 光彈塗漆大戰》就將傳統波波池昇華，利用真實彩球結合虛擬漆彈，擲向屏幕就可以創造獨一無二嘅塗鴉大作，等 kidults 盡情大玩特玩。

當然唔少得等參加者化身捽碟 DJ 嘅《Scratch It 百變魔鏡打碟機》，大家可以盡情轉動轉盤扭轉影像及聲音，彈指之間自製專屬自己嘅破格短片。 

【ぱぱぱ PARTY 玩!玩!玩!體驗館】由 Namco 委託合作夥伴 Button Inc.負責開發，其行政總 裁兼幕後主腦浦谷和生先生 (Kazuo Uratani)，因孩子嘅誕生而從廣告創作轉型開發兒童遊樂設施，透過數碼科技讓大家重回遊戲嘅出發點 – 身體。

打開眼睛、耳朵、咀 巴、以至心扉，喚醒身體主導遊戲的樂趣，鼓勵大家從新的視點享受遊戲，觀察身體喺遊戲時嘅動作對身邊環境產生嘅微妙變化，玩出五感統合，發揮出觀察力、想像力、創造力。

今次狂歡 Party 仲邀請咗趣怪玩味嘅「ぱぱぱ變色虫」擔任各位嘅遊戲嚮導，喺大門先「色」 奪目歡迎大家，並遍佈 PopCorn 陪大家參與 4 大多元數碼感官互動遊戲，感受如泉湧嘅夏日 活力正能量，迎接繽「Fun」夏日！

【PopCorn x NAMCO ぱぱぱ Party 玩!玩!玩!體驗館】活動開放詳情：
活動地點： 港鐵商場 PopCorn 一期一樓大舞台 (位於港鐵將軍澳站 C 出口) 
*《Scratch It 百變魔鏡打碟機》設置於 PopCorn 一期地下顧客服務中心旁
活動日期： 2018 年 7 月 14 日至 9 月 2 日
活動時間：中午 12 時至晚上 10 時正
查詢電話： 3543 1273