一向致力為社區度身訂造藝術文化活動嘅太古坊，繼今年5月在太古坊多用途藝術空間ArtisTree上演7場叫好叫座，由30位鰂魚涌區上班族及居民跨界別合力演出嘅原創英語音樂喜劇PROJECT AFTER 6: Cube Culture後，全新一季PROJECT AFTER 6旋即捲土重來。PROJECT AFTER 6: Busking首度將計劃擴展至全港，誠邀各區上班族報名參加。

現正招募想一展歌藝及音樂才華嘅明日之星，入圍者將有機會與多位星級歌手包括盧凱彤(Ellen)、AGA、林二汶(Eman)、林奕匡(Phil)、Robynn & Kendy、符致逸(Adrian)、Dusty Bottle及其他志同道合嘅朋友交流。

歌手們仲會喺今年9月至10月期間嘅周四午飯時間，喺平日熙來攘往嘅太古坊辦公大樓奏起午間樂韻，為上班人士打氣充電，迎接工作上嘅挑戰。歌手們仲會指導一眾入選Buskers走過面試、交流聚會及正式演出嘅階段，分享音樂創作同表演心得。

除此之外，PROJECT AFTER 6以藝術聯繫社區及推動業務嘅理念得到唔少企業嘅認同。其中，太古坊租户星展銀行（香港）成為計劃嘅首個企業夥伴，一同鼓勵員工發展潛能及推動工作生活平衡，同時成就理想，活出精彩人生，真正做到Live more。

有興趣人士可以喺7月16日至8月5日期間經網上報名，並上載一條唔多於1分30秒嘅演出短片作初步遴選。參加者必須年滿18歲，可單獨或組隊參與，而每隊人數唔多於六人，歡迎參加者作不同類型嘅音樂演奏、表演自彈自唱或自行邀請伴奏。

所有入圍面試嘅參加者會喺8月11日前收到面試確認電郵，並於8月17或18日喺太古坊進行面試。每個獲挑選嘅參加隊伍皆有1分鐘時間喺星級評判前展示音樂才藝，爭取成為PROJECT AFTER 6: Busking嘅演出隊伍。

面試結果會喺8月20日或之前透過電郵公佈，成功被取錄嘅參加者將獲邀出席8月24日嘅Buskers聚會，與多位歌手、著名監製Edward Chan及對音樂充滿熱誠嘅Buskers聚首一堂，一同分享音樂，為演出尋找更多靈感。參加者仲有機會被選為樂壇新力軍，喺更大嘅舞台上發熱發亮！

太古坊自2014年起積極舉辦不同主題嘅PROJECT AFTER 6活動，涉獵範疇包括音樂、運動、飲食等，藉此讓各行各業嘅專才發展潛能，營造具吸引力嘅工作環境，提升上班族嘅生產力，推動業務蒸蒸日上之餘，同時構建愉快嘅社區。

PROJECT AFTER 6: Busking重要日期︰
報名日期︰7月16日至8月5日
面試確認電郵︰8月11日或之前
即場面試︰8月17日及18日
結果公佈︰8月20日或之前
Busker交流聚會︰8月24日
演出日期︰(逢周四) 9月6、13、20、27日，10月4、11、18、25日
演出時間︰中午12時至下午2時

更多有關報名須知，可瀏覽︰www.projectafter6.com/busking