今個夏天，時代廣場會再次變成日本以外全球最大型嘅「高達基地」！時代廣場「GUNDAM DOCKS AT HONG KONG III」矚目呈獻：全球最大6米高RX-93 Nu高達 VS MSN-04沙煞比；並將露天廣場變成宇宙「戰場」，將Nu高達 同沙煞比嘅埋身決戰一刻活現眼前。

「機動戰士高達 馬沙之反擊」係高達世界裡最引人入勝嘅作品，當中嘅Nu高達更獲選為日本最受歡迎嘅機動戰士。

聯邦軍阿寶同新自護軍馬沙兩位宿敵開始於初代高達0079，承接住Z高達、ZZ高達，到「馬沙之反擊」作一個終結。喺「馬沙之反擊」中，兩位結束咗多年嚟嘅宿命對決，同時亦係故事嘅最高潮！呢個經典一幕將首次以六米高立像展示。

高達創戰潛行者專區

喺高達創戰潛行者嘅主題專區，潛入熊霸嘅夢幻國度。
置身喺色彩繽紛嘅熊霸主題樂園中，與多款高達動畫中登場嘅吉祥物展開一段奇妙旅程。
快啲同家人朋友戴上可愛嘅熊仔頭飾，一齊合照留念，共度歡樂時光！

高達電玩專區
現場亦會設置全新PlayStation 4《機動戰士高達電玩專區》包括: New GUNDAM BREAKER 區， GUNDAM VERSUS區同埋手機遊戲機動戰士高達即時戰線 區。所有展出遊戲都可以免費試玩!

機動戰士高達即時戰線區內仲設置咗巨屏手機,千萬唔好錯過難得一次嘅全新體驗！
詳情請留意 “Hong Kong Times Square” Facebook內公佈!