旅行旺季又到啦!相信唔少人喺規劃行程嘅時候都係以日本,台灣同韓國作為主要嘅目的地。今年不妨為你嘅旅程添上新意,去其他嘅地方探索一下呀。
今次要為大家介紹嘅就係位於印尼嘅科莫多島,佢係努沙登加拉群島中嘅一個小島,亦係被納入為世界遺產嘅科莫多國家公園嘅一部份。科莫多島上嘅火山同地震活動令其生態系統同世界其他地方隔開,咁獨特嘅生態就令島嶼孕育出珍稀生物,包括科莫多龍及眼鏡猴。
科莫多龍係地球上最巨型嘅食腐屍蜥蜴,平均體長超過2公尺,體重超過150磅。最可怕嘅係佢嘅口腔會分泌毒液,令獵物嘅血液無法凝固,因而流血不止,所以當科莫多龍咬過獵物後會慢慢等對方失血休克。佢地嘅唾液中亦含有多種細菌,即使獵物暫時逃脫,亦極可能受細菌感染而喪命。
見到世上最大嘅蜥蜴就當然要去集郵合照啦,但記住係遊覧科莫多島嘅時候一定要聽從當地專業導覧員嘅指示,確保自己嘅安全。見到科莫多龍嘅時候亦唔好急住影相,記住要保持返一定嘅距離先至好開始集郵呀!
呢度仲有與兇猛動物成極大對比嘅少女心粉紅海灘,呢個係科莫多島眾多驚人嘅美景之一。海灘呈現嘅粉紅色係由名叫孔蟲嘅微生物所造成,佢可以令珊瑚產生紅色顏料。當紅珊瑚微小嘅碎片同白色沙灘混合後,就形成海岸線上柔軟嘅粉紅海灘啦!
以後去旅行都可以考慮下去呢啲印尼小島,探險之餘仲可以欣賞沿途美麗嘅風景呀!
Tags: homita小出走
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like