日本著名快速時尚眼鏡品牌——Zoff,由去年年尾至今短短半年時間,先後喺香港區及九龍區開設咗香港首兩間分店,深受大眾歡迎。好事接二連三,品牌而家仲帶嚟好消息:7月中將會喺新界區開設新分店,便利更多喜愛Zoff眼鏡及服務嘅顧客。
馬鞍山新港城新店設計沿用悠閒市場嘅風格,俾顧客可喺店內隨意選購眼鏡,仲可以即場透過玻璃見到眼鏡裝嵌嘅過程。另外新店將會帶嚟更大、更多款式嘅兒童眼鏡專屬櫃架,等小孩子都可以配戴型格眼鏡,盡顯個性!
為咗迎接馬鞍山新港城中心新店開幕,開幕首兩天4個指定時段內將會派發$300現金券:7月21日下午12時30分及5時正 及 7月22日下午2時正及5時正,屆時到馬鞍山新港城新店即時「讚好」Zoff HK Facebook專頁,即獲現金劵乙張(價值$300),每個時段限量派發50張,先到先得,派完即止。
另外Zoff會喺7月21至23日開業首3天,獨家首賣最新聯乘Kanahei’s Small Animals裡P助與粉紅兔兔嘅藍光眼鏡系列同限定組合套裝,等顧客可以優先購買,粉絲們千祈唔好錯過呀!
鏡腿內側藏有小心思,分別印咗兩款Zoff獨家限定嘅P助與粉紅兔兔圖案,呢份低調細膩嘅可愛絕對唔係小朋友嘅專利,連成人都可以輕鬆駕馭。
呢個系列嘅眼鏡鏡片可阻擋40%藍光,幫我們喺使用電話、電腦時保護眼睛,減少眼睛疲勞。另外,眼鏡耳托位置採用可自由扭曲嘅橡膠材料,可以自行調校貼面合適嘅彎度,即使長時間配戴亦不會造成耳朵不適。
P助與粉紅兔兔眼鏡系列配件 配搭您的限定組合!
聯乘系列嘅眼鏡又點可以無可愛眼鏡布及眼鏡盒搭配呢?Zoff特意推出限定組合供粉絲們選購,選好鏡框後,可挑選P助與粉紅兔兔嘅雙面眼鏡布,有4款圖案以供選擇:色彩繽紛嘅印花圖案、低調嘅P助配眼鏡圖案、簡單可愛嘅間條圖案及黑灰型格嘅波點圖案。系列中嘅產品,亦可自行配搭單獨購買。
(眼鏡框連無度數防藍光鏡片 配眼鏡盒及眼鏡布限定組合:$498)
眼鏡框連無度數防藍光鏡片均配有眼鏡布袋和P助與粉紅兔兔硬包裝紙盒,兩款圖案包括粉嫩可愛風嘅Flower與低調沉穩風嘅Sepia,精緻非常。無論係送禮或自用都係唔錯嘅選擇,而且仲可以用嚟做筆袋或收納盒子!每款獨家設計都充滿插畫家鮮明嘅風格,十分養眼。
(眼鏡框連無度數防藍光鏡片:$388;眼鏡盒:$98;眼鏡布:$38)