楊丞琳一首「曖昧讓人受盡委屈，找不到相愛的證據」真係講出曬唔少陷入曖昧中巴絲打嘅心事，因為自己唔知道對方係點諗，又怕自己會錯意，但其實對方何嘗又唔係羅羅攣，擔心表白「食檸檬」，所以成日有意無意咁表達對你嘅愛意，希望你睇完呢5個男仔想表白想跡象，可以不再困惑，明白對方嘅暗示喇！

#經常刷存在感

如果對方成日有事冇事都會搵你，又成日問「做緊咩呀？」，無論係大小事都會一一講俾你知，無意之中不斷延續話題，甚至經常約你出街睇戲、食飯的話，就證明佢對你係有意思，心裡面無時無刻都掛住你、想關心你、想同你一齊！

#眼定定望住你超過3秒

如果佢成日都目光深鎖咁望住你，咁就真係恭喜曬！因為九成九佢比你吸引住，而且想睇清楚你，有進一步了解你嘅意思！

#「不經意」地親近你

一般人同人之間都會保持1.2米以上嘅距離，但如果佢過馬路嘅時候乘機拉住你隻手或者摟你條腰；又或者係多人嘅地方唔覺意咁攬你肩頭，試圖保護你。呢睇動作睇落好不經意，其實都係代表著佢對你有好感，在乎你同想親近你！

#朋友聚會帶埋你

當對方出席朋友聚會嘅時候都帶埋你，雖然對方仲未表白，不過佢內心可能已經認定咗你係佢伴侶，準備好承受一切嘅挑戰，包括係流言蜚語呢～

#順路送你返屋企

Um...其實可能未必順路架！不過佢經常都會以「順口」做借口去送你返屋企，甚至係故意兜路，為嘅都只係想多啲相處時間，增加你對佢嘅好感，拉近兩顆心嘅距離！