野生動物紀錄片硬係有種莫名嘅吸引力,令你點睇都唔會厭。喺香港呢個石屎森林生活嘅我地就當然無機會親眼見到呢啲洋溢住生命力嘅動物啦,咁你又有無諗過親自飛到南非,去到非洲大草原上見證大自然嘅循環不息呢?
喺南非,觀賞動物被稱為Safari,中文意指狩獵。呢個詞本身係用嚟形容進行大型嘅捕獵行為,一直沿用落嚟就變為觀賞,拍攝動物嘅意思。而家係唔可以喺當地進行打獵咖!
Safari都有唔同種類咖,第一種就係坐喺吉普車,由司機開車同你追隨住野生動物嘅行蹤。
第二種就係坐熱氣球由高空俯視啦,咁就可以睇盡大草原嘅景色,同喺地面睇又有另一種風味。
第三種就係安坐喺樹屋上進行,等動物自己走近到眼前嘅水池飲水就可以輕鬆咁觀察佢地。如果有大型動物如獅子走近,樹屋嘅工作人員仲會以鈴聲提示,咁就一定唔會錯過啦!
最受大家歡迎嘅相信就係草原上嘅Big 5啦!佢地分別係獅子、非洲象、非洲水牛、豹同埋黑犀牛。佢地嘅數量相當稀少,而且五種都係瀕危物種,其中黑犀牛更係達到極危級別,所以想見到哂佢地都要睇下夠唔夠運氣。
去到大草原就當然最想睇壯觀嘅動物大遷徙啦!其中掀起高潮嘅就絕對係角馬同斑馬嘅渡河時刻啦!數十萬甚至百萬隻一同渡河嘅時候,蹄聲錚錚,水花四濺,畫面極為壯觀。但呢個畫面同樣都好講求運氣,要碰正動物決定過河先有幸見到。七至十月係大遷徙嘅季節,想親眼見證自然世界嘅奇觀就不妨揀呢幾個月去一趟。
Tags: homita小出走
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like