Brooks Brothers 2018夏季女裝系列取材自充滿熱帶風韻嘅Palm Beach同擁清澈海水嘅南太平洋壯觀景色。休閒典雅嘅服裝靈感源自著名攝影師Slim Aarons嘅數位繆斯女神Babe Paley、C.Z. Guest 及 Gloria Guinness喺Palm Beach上享受陽光與海灘嘅寫意情景。
設計師巧妙地套用獨特嘅剪裁突出女性體態美,系列色調就運用咗低調型格嘅黑色、淡白色、淡玫瑰粉紅、深藍及大地色系,再配上翡翠綠、磚紅及淡黃成繽紛嘅色調,滲出陣陣夏日涼快氛圍。
夏季系列中重點造型包括,黑色七分袖針纖毛衣以復古珠寶高領作點綴,配上黑白色刺繡碎花裙,散發女性活潑氣息,同時彰顯雅致休閒嘅率性魅力;以及粉紅色條紋棉質刺繡碎花裙及幾何雛菊襯衫裙。黑白色提花織物則融入喺多款外套、呈筆直外形嘅鉛筆裙及襯衫裙,將女性天賦美態表露無遺。另一重點時尚造型係以獨特BrooksCool物料嘅深藍西裝褲配上清爽襯衫,喺型格中帶出斯文氣質。
由Brooks Brothers掀起熱潮嘅輕盈透氣物料,泡泡紗(Seersucker)貫穿整個2018夏季女裝系列。時尚單品包括V領剪裁傘裙、套裝及細褶裙。印有天堂鳥圖案嘅寬鬆長裙、背心連身裙及荷葉邊裙,營造出優雅可人嘅時尚感。
深藍鉤花短毛衣配上充滿熱帶風情繡花直紋荷葉邊裙;直紋皺褶七分袖寬身恤衫配上輕盈闊腳長褲,將女性嘅優雅氣質表露無遺。另外,系列亦有Supima純棉卡其色套裝及背心連身裙。一系列Supima純棉時尚單品配有多款顏色選擇,亦配備咗防曬內層,貼心照顧到女士們要遮擋夏日猛烈太陽嘅需要,更可以反映夏天嘅陽光氣息!
夏季設計以輕鬆休閒、簡約清新為主軸。鞋款分別有別緻嘅木底露趾涼鞋、可愛嘅皮革蝴蝶結涼鞋、絨面帆布鞋及真皮平底鞋等。手袋款式則有長型袋、皮革及帆布兩種面料選擇嘅肩背袋,以及Brooks Brothers羊毛斜挎袋,輕鬆配搭不同造型。配飾方面,多款熱帶圖案嘅頸巾,迎合今個夏季系列主題。