近年越嚟越多香港人去到東南亞國家旅行,其中一個相當受觀迎嘅國家就係越南啦!最近越南峴港就開放咗一個新景點俾大家參觀,所以準備去或者計劃緊去當地旅行嘅你地可以計劃下,將呢個地方放入行程當中呀!
今次要介紹俾大家嘅就係位於巴拿山頂嘅Golden Bridge。呢條橋嘅海拔超過1400米,猶如一條喺空中飄揚嘅彩帶。橋身利用金黃色做主調,小路嘅兩邊都栽種咗花朵,為人帶嚟生機勃勃嘅感覺。
到底呢條橋有啲咩野咁特別呢?就係因為喺設計上加入咗兩隻灰色巨手,做出捧住條橋嘅動作,Golden Bridge變得與別不同,造就與別不同嘅景色。
企喺呢條架於半空嘅橋果陣,就能夠飽覧四周綠油油嘅森林,喜愛自然嘅你絕對唔可以錯過呢個景點呀。而巨人嘅雙手更加係為呢條橋加入咗超現實嘅元素,令呢度成為打卡必到嘅地方。
條橋嘅設計咁獨特,有機會去到峴港嘅話就記住踏上呢道金橋,感受一下喺天空漫步嘅感覺啦!
Golden Bridge
地址: Ba Na Hills, Da Nang, Viet Nam
Tags: homita小出走
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like