成日都聽到人話飲水都會肥，但其實飲水飲得正確嘅話，唔會肥之餘仲會變瘦添！水其實對減肥事業非常之重要，因為佢可以幫助我地對抗疲勞，並改善身體機能，所以對於人體健康起咗極大嘅作用。人健康啲嘅時候，想排毒同燃燒脂肪都容易啲啦！

#室温水為上

就算喺炎炎夏日，都一定要忍住唔好飲冰水呀！因為要維持體內溫暖同埋血氣暢通，先可以做到瘦身效果咖。冰水會抑制腸蠕動，令水分不易吸收，飲嚟飲去都係事倍功半。所以各位女士都係忍下口，飲返室温水啦！

#燃燒脂肪要用水

水對我地嘅身體可以話係舉足輕重，佢喺我地體內參與多項生化反應，當然就包括燃燒脂肪呢一項啦！要將脂肪轉化為能量就先要將中性脂肪水解成脂肪酸同甘油，呢一步係需要水分子先可以做到，所以要同脂肪講拜拜嘅話，就必需要攝取足夠嘅水分。

#水分增加飽足感

喺用餐之前先飲一杯水嘅話，就可以增加飽足感。再加上慢慢進食，就會令你用餐嘅時候好快就產生飽足感，因而唔會過度進食，造成身體肥胖。《肥胖》(Obesity)期刊上嘅研究指出，吃飯前先喝500c.c.開水嘅話，3個月落嚟可以減少2公斤。最重要嘅係，呢種方法並無復胖問題，體重反而還能繼續下降。

雖然水對我地有好大嘅益處，更加係減肥恩物，但都唔可以亂飲咖。過量飲水會令體內鹽分被大大稀釋，打破平衡。咁樣會令體液電解質失衡，導致水中毒，所以千祈唔好灌水落肚呀。