每一個總有幾日令女士們非常不便，部份女士更加會因此而備受痛苦，無辦法進行日常活動。但其實經期不適係可以透過日常習慣去舒緩，甚至係預防。睇下有咩招數可以令你告別生理痛啦！
#多菜少肉
有研究指出蔬菜水果攝取量不足，又或者係油脂比例過高嘅女性，較容易出現生理期不適，例如腰背痛、頭痛，以及情緒不穩定。因為攝取過多脂肪及暴飲暴食，都會增加身體負擔，血糖值唔穩定就會引起生理期不適。蔬菜有降低膽固醇，以及平衡血糖值嘅功效，所以實行多菜少肉會令你喺經期嘅時候輕鬆好多。
#忌食冰凍及油炸食品
吸收大量油脂除咗會影響內分泌，仲會造成生理期間嘅不適。而夏天最受歡迎嘅冷食凍飲，就因其低温而容易引起子宮收縮，擾亂生理週期之餘，仲可能影響到更年期。為咗自己身體，無論點都要忍下口，避免進食呢一類食品呀。
#補充鐵質
「缺鐵性貧血」喺女士間係好常見嘅情況，加上每次生理期都會令女士們大量失血，鐵質亦隨之流失。如果身體一直處於貧血的狀態，每逢生理期就會更加不舒服，所以平日就要補充返鐵質啦！食用豬肝、葡萄、葡萄乾、黑糖、黑芝麻等都可以攝取鐵質，長期食用就可以間接達到預防生理痛嘅效果啦。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
