夏天就係要食西瓜消暑啦，有無諗過其實西瓜仲可以幫你瘦身嘅呢？當然要食得正確先可以做到瘦身效果。「睡前西瓜瘦身法」完全係懶人福音，只要喺睡前食200公克（約一片）西瓜就完成咖啦！
西瓜中含有被稱為超級胺基酸嘅瓜氨酸，能夠消除水腫及擴張血管，促進血液循環，令你喺晚上休息嘅時候代謝變好，燃燒脂肪自然就輕而易舉。
西瓜對於打造美肌亦都係非常有用咖，呢點都係全靠當中蘊含嘅茄紅素。其實同等份量嘅西瓜汁及番茄汁當中，西瓜汁中嘅茄紅素含量係番茄汁嘅1.5倍，而且唔需要加熱就可以被人體有效吸收，真係好方便咖。
西瓜亦可以改善便秘嘅問題，當中嘅水溶性膳食纖維有助於腸內益菌嘅活化，為你重整腸內環境。咁就有助排出體內囤積住嘅毒素，改善便秘問題啦。
而家正值西瓜產季，大家快啲把握機會，喺夏日結束前實行呢個以食減肥嘅大計啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
