相信唔少女士都有敷面膜嘅習慣，似乎已經成為咗日常嘅一部份。其實使用面膜係有好多野需要注意，唔係嘅話無論你點樣敷都唔會令皮膚變好甚至會出現反效果。所以敷面膜都係有學問咖，快啲睇下自己有無犯以下嘅常見錯誤啦！

#唔可以每天敷

唔少人都想皮膚好，就日日都敷面膜，但咁樣做係唔可取咖。肌膚都有自己嘅承受能力，每日敷臉會令皮膚接受過多嘅養份，就好似胃消化唔到過量嘅食物咁樣，反而引起肌膚問題。其實3日敷一次可以咖啦，而去角質層嘅面膜一周一次都已經足夠。

#唔好洗完面直接敷面膜

肌膚每天都暴露喺空氣中，令灰塵汙垢同老化角質全都堆積喺表層，敷臉之前嘅應該先清洗，繼而去角質，再用化妝水，唔洗面嘅話再好嘅面膜都無法滲透到肌膚底層，敷再多嘅面膜都唔會有效果。用化妝水輕輕擦拭，就可以用當中嘅水份先幫肌膚打底，令面膜發揮最好嘅功效。

#唔好日日敷美白面膜

好多美白面膜當中都含有乳酸、果酸、傳明酸、麴酸、熊果素，以及杏仁酸，雖然呢啲成分可以去除角質，但就會對皮膚產生刺激、甚至導致過敏，咁就弄巧反拙啦。呢種面膜最多一個禮拜敷3次就好啦。

#唔好敷超過20分鐘

唔好以為面膜敷得耐就會有更好嘅效果，片狀面膜敷過久反而容易令肌膚發紅過敏，嚴重嘅話甚至會發炎，所以每次敷10~15分鐘就可以啦。

#唔好忘記做後續保養
敷完面膜後，唔好忘記將面上剩餘嘅精華液拍打至全部吸收，如果唔鐘意精華液嘅黏膩感，亦可以將精華液沖洗掉，用乳液或乳霜取代按摩面部。用乾淨毛巾沾冷水敷臉5分鐘左右，就可以令毛孔收縮。