減肥固有觀念就當然係要節食啦，但對於大家嚟講呢個絕對係一大煎熬。其實節食係咪必需嘅呢？今日就同大家分享一份餐單，等你地可以喺瘦身嘅同時，仍然可以享受到正常嘅三餐。

呢份咁神奇嘅餐單叫做「4321健康減肥餐單」，唔洗節食之餘仲可以令你每餐都有菜有肉，包你唔會肚餓。

餐單個名並唔係亂改咖，啲數字分別有唔同嘅意思。

4＝一餐總份量分成4等份（水果除外）
3＝ 4份裡面3份要吃蔬菜
2＝ 3份裡面，2份要吃「深色蔬菜」，1份要吃「精緻加工的全榖根莖類」
1＝ 4份剩下來的1份要吃奶、蛋、魚、肉、毛豆、黑豆及黃豆類製品，一餐中最好動物性及植物性蛋白質各一半三餐都需搭配一份水果，且最好3種都不同。

#2份深色蔬菜

深色蔬菜含有豐富營養，有助新陳代謝、燃燒脂肪，以及合成蛋白質。而且呢啲蔬菜有齊各種蛋白質合成肌肉時所需嘅營養素，對減肥非常重要。

#1份非精緻加工全榖根莖類

加工類食品對我地無益，只會為我地徒增熱量。非加工嘅全榖根莖類容易令人有飽足感，有利穩定血糖，而且當中嘅營養充足，可以為身體提供必需嘅能量。

#1份提供蛋白質食物

呢份食物當中植物性蛋白質及動物性蛋白質各占一半就最好啦。植物性蛋白質食物就包括咗豆類及核果類，而動物性蛋白質就包括咗肉類、海鮮類、蛋類及奶類。

#水果

呢種飲食法喺每一餐都會配上水果，如果能夠三餐食唔同嘅水果就最好不過啦。水果含有豐富嘅維生素，以及各種人體必需嘅礦物質，仲可以幫手抗老化添。