減肥無非都用兩個方法，一係就節食，一係做運動，而呢兩種都係令人叫苦連天。今日就為大家帶嚟一個喜訊，只要可以戒咗呢四種食物，就算你唔節食又唔做運動，持續一個月就可以有瘦身效果！
到底係啲咩食物咁邪惡，成日隔住大家嘅減磅大計呢？
#咖啡因
對於習慣每日起碼一杯咖啡嘅都市人嚟講，呢個絕對係壞消息。唔少人都聽過咖啡因對減肥有用，雖然咖啡因的確可以降低食慾，但佢嘅效果並唔持久，容易造成復胖。咖啡因會令用嚟控制脂肪代謝嘅腎上腺受壓，影響新陳代謝，不利瘦身。
#黃豆製食物
估唔到呢類食品竟然榜上有名！原來黃豆含有植物性雌激素，會降低新陳代謝，令你腹部嘅脂肪積聚。所以想成功減就要向豆漿、豆腐、豆腐皮等豆類製品講再見啦。
#酒
酒精本身就已經含有極高嘅熱量，可謂係非常邪惡。另外，由於酒精要經過肝臟處理，飲完酒後，肝臟會處於解毒狀態，令佢無法及時分解同埋消耗食物中嘅熱量與營養，令新陳代謝減慢。
#乾果
葡萄乾、小紅莓乾、杏桃乾等乾果嘅糖份極高，而佢地嘅纖維亦容易分解，令糖份好易就會被傳送到血液當中，迫使身體將其轉化為脂肪，食呢啲乾果同樣會減慢身體嘅新陳代謝，不利減肥。
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
