牛郎織女於喜鵲橋相聚嘅日子又到啦，每年都細聽呢段驚天動地、可歌可泣嘅愛情故事...... 唔通單身狗，就連中式情人節都要躲喺家中靜靜地唱著「其實自己一個更開心」？不了！誰說情人節身邊一定要有情人，對自己不離不棄共患難嘅「閨蜜」，先係永遠嘅「情人」跟「真愛」。
男友易找，閨蜜難尋，今年七夕一於同閨蜜留喺屋企看Netflix，享受一下quality time 吧！也趁住呢個甜蜜日子，透過Netflix 嘅閨蜜片單，六部精選電影與影集，同好姊妹們矯情地講聲：「情人節快樂，有你，每天都是情人節！ ️」
閨蜜就是...
父親、母親，都不及姊妹來的親
《愛的過去進行式》（To All The Boys I’ve Loved Before）
親姊妹雖然喺打罵、呷醋中長大，但同時她亦係跟你分享扮靚心得同共用化妝品嘅人。佢未必係你最接近你心房嘅閨蜜，但你知道無論如何，親姊妹都會包容你嘅過錯同待在你身邊吧。
就像《愛的過去進行式》中嘅三姊妹，即使 Lara Jean 係一個奇怪、內斂嘅女生，仲會私底下寫情信給自己前男友，但佢嘅親姊妹 Margot 和Kitty 仍然對佢不離不棄，支持佢鼓起勇氣，尋找真愛。
《愛的過去進行式》講述少女 Lara Jean 有五位暗戀對象，她私下寫嘅秘密情書，突然被莫名其妙地被寄到呢啲男生嘅手上，她平靜嘅高中生活自此出現翻天地覆嘅變化。
閨蜜就是...
同生共死，出雙入對
《乖乖女》（Good Girls）
當一個好閨蜜，大忌當然就梗係大難臨頭各自飛！每人生命中都會有高低起跌，喺高處時攀附你都不用在乎，喺低處時仲留喺你身邊，陪你走過高山低谷嘅先係值得珍惜嘅知心好友。
喺《乖乖女》中，三位師奶閨蜜剛巧同時面對著自己嘅低谷：丈夫出軌、女兒入院、被捲入官司等，但佢地無因此而離開大家，反而一齊尋找解決辦法。即使面對危險至極嘅黑社會老大，Beth、Ruby 和 Annie仍然手牽著手，一起度過難關。
《乖乖女》講述當三個郊區媽媽開始對艱辛嘅生活感到厭倦時，她們認為係時候奪回人生嘅主導權，並決定以搶劫當地超級市場來改變人生。然而，當她們的行跡疑似敗露，戰利品又遠超過預期時，呢三名閨蜜將意識到美好生活並不如佢地想像中容易。
閨蜜就是...
姊妹同心，其利斷金
《重踏舞姐妹會》（Step Sisters）
要一班人混熟，最快嘅方法當然係大家一起同心協力去做一件事，向著同一個目標進發！當大家坐喺同一條船上，自然就會有動力一起合作、努力，齊心邁向終點～
《重踏舞姐妹會》中一班毫無節奏感嘅非裔女生為咗捍衛學校名聲而被逼參加跳舞比賽。喺高材生Jamilah 的帶領下，呢班女生喺舞池裏灑下一場美麗嘅青春雨水，互相支持、咬緊牙關完成咗呢個不可能任務。
《重踏舞姐妹會》講述一名非裔女生喺攻讀哈佛法學院嘅夢想岌岌可危之際，答應幫另一群毫無節奏感嘅女生們贏得重踏舞舞蹈大賽。
閨蜜就是...
永遠陪在身邊、接納對方轉變的她跟他
《親親小站》（The Kissing Booth）
青梅竹馬就係陪住你長大嘅人，最令人難以接受嘅當然係好友嘅轉變啦。小時候像孖公仔般形影不離。像《親親小站》嘅 Elle 和Lee 般，喺長大時大家都好難接受對方嘅新社交圏子和伴侶。
而面對著閨蜜嘅轉變，作為青梅竹馬更應該要支持他、包容她，與對方一起成長；因為朋友最多都只會吵一場架，但永遠都唔會同你分手。
《親親小站》講述喺艾兒（Elle）獻出初吻後，與高中最受歡迎嘅男生，亦係青梅竹馬嘅哥哥譜出了一段禁忌之戀。但是，戀愛嘅代價可能係要跟最要好嘅朋友絕交。
閨蜜就是...
共患難，一起對抗惡頂上司
《跣佢一鑊》（Set it up）
當你不幸地遇上 Dry 爆上司，就相等於要無限加班... 將自己忙得不似人形，總覺得快要撐不下去時，跟你有著共同敵人嘅同事自然會成為你辦公室裏嘅好閨蜜。
《跣佢一鑊》中嘅 Harper 和 Charlie 真係不打不相識，佢地不但齊心面對工作狂單身上司，仲協助大家喺呢場職場遊戲中尋找迷失嘅自我，成為一個更好、更自信嘅自己！
《跣佢一鑊》講述兩名忙到焦頭爛額嘅打工仔迫切地需要逃離辦公室，好讓自己喘一口氣；於是佢地決定聯手設法讓自己嘅工作狂老闆墜入愛河。
閨蜜就是...
面對重要決定時，用力推妳一把的那個人
《出差變開 P》（Ibiza）
當你企喺抉擇同交叉點前做唔到決定時，有時你最需要嘅就係閨蜜俾你嘅一點點勇氣，或是簡單嘅一句「做吧」。呢個決定或許回想起來係衝動無比，但往往都唔會令自己後悔。
《出差變開 P》中嘅Harper，喺現實生活中一直跌跌撞撞、浮浮沉沉，只敢留喺 Comfort Zone 內當一位乖乖白領。直至佢嘅閨蜜跟她去出差，說服佢聆聽自己嘅聲音，毫無顧慮地追隨自己所喜歡嘅人！
《出差變開 P》講述哈珀（Harper）為咗參加一場重要會議，而被派去西班牙出差。佢超愛狂歡作樂嘅朋友卻成為跟屁蟲，仲說服佢去同一位有名嘅 DJ 展開一場露水姻緣。
