女士們喺減肥路上少不免會遇上瓶頸位,減到一個地步就會好難再瘦落去。所以今日小編就帶大家睇下《延禧攻略》當中嘅瓔珞吳謹言點樣打破呢個停滯期,成功為劇再瘦7kg啦!
吳謹言喺拍劇前有51kg,其實以佢165cm嘅身高嚟講已經稱得上係非常嬌小。但要保持呢種身材並唔係易事,因為吳謹言入行前,就喺2000考入北京舞蹈學院附中學習芭蕾舞,時常練舞造就咗佢呢一副好身材。
為咗可以再瘦落去,吳謹言除咗保持跳舞同運動之外,最主要都係由飲食入手,採用一種「631飲食法」去幫助自己減磅。呢種飲食法就係將全日飲食分做十等份,按比例早上食全日飲食嘅六成,午餐食三成,晚上就只食全日飲食份量嘅十分一。
當然要用「631飲食法」就唔代表可以大安皆意狂食,而係要按正常食量調節比例,早餐可以食多啲一點,午餐就食半個便當左右嘅份量。而澱粉質方面,就唔好用白米飯,可以糙米代替,至於晚上主食就係蔬菜及蛋白質食物,但晚餐絕對要戒白飯,採用呢種飲食法就可以輕易打破撞牆期啦。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like