唔少情侶都會結伴一齊去旅行,咁就當然要去造訪一啲浪漫嘅景點啦。今次俾小編發現咗,遠在烏克蘭就有一個受到各國情侶喜愛嘅景點,每年都吸引咗唔少人到訪咖!而且佢仲有個一聽就知道非常適合情侶前住嘅名字--愛情隧道(Tunnel of Love)。
大約長3 公里嘅愛情隧道位於烏克蘭、離首都基輔300公里外嘅克雷凡小鎮。其實呢條隧道係當地嘅私人公司為咗送木材到小鎮而建嘅鐵路,係只運送物資而唔載人嘅。
隧道被植物包圍嘅景貌係自然形成咖,呢個地方有個傳說,就係如果你同情人一齊穿過隧道,並且誠心許願嘅話,你地嘅願望就可以實現,所以大批嚟自世界各地嘅情侶都會去呢度拜訪,成為情人勝地。
隧道因為係由植物包圍而成,所以係會隨住四季轉變,而呈現不同嘅外貌,春夏季就當然係會綠意盎然,到秋天就會紅黃交錯,而冬天就會因為披雪而變得潔白無暇。
快啲同你嘅另一半計劃烏克蘭之旅啦!
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like