去旅行最期待嘅事之一，就係可以揾到啲靚靚景點打卡影相啦。今次就帶大家走出亞洲，嚟到位於北非，一個叫做突尼西亞嘅小國度假啦！相信大家都無聽過呢個地方，但係呢個國度其實擁有悠久歷史，由公元前世紀就已經存在咖啦。
喺呢個國家當中備受注目嘅，就係名為西迪布賽爾德嘅小鎮，呢個地方早已被《國家地理雜誌》選為10大浪漫小鎮之一。呢個海邊小鎮又有小希臘之稱，因為呢度嘅小屋都係以白藍為顏色嘅主調，所以係同希臘特有嘅小白屋相當相似。
唔好以為呢度間間屋都係只係小白屋配藍色門窗呀，走近睇就會發現其實佢地各有特色，門窗嘅花款及大小都各有不同咖，就連門柄都係經過設計，每一間屋都係藝術品嚟。
呢間小鎮絕對可以為你帶嚟滿滿嘅異國風情，揾返間咖啡廳坐低，一邊睇海，一邊享受悠閒時光就最正啦！
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
